Tuesday , September 25 2018
Breaking News
You are here: Home / Showbiz / Kitkat, bawal mapagod ang lalamunan
Kitkat, bawal mapagod ang lalamunan

Kitkat, bawal mapagod ang lalamunan

HIRAP man magsalita pilit pa rin nakitsika sa amin si Kitkat nang magkita sa isang Korean restaurant sa Timog. Kasama niya ang kanyang asawa at ibinalitang kagagaling lang sa kanyang therapy para sa nawawalang boses niya.

Napag-alaman naming nagkaroon ng nodules o parang kalyo sa vocal cords niya dahil sa sobrang kadaldalan o maling gamit ng boses.

Kaya ang biro niya sa amin, “magsasalita lang ako kapag may bayad,” sabay tawa.

Bale bawal mapagod ang kanyang lalamunan, kaya kailangang tipid ang kanyang pagsasalita.

Ang sinasabing nodules ay mas kilala bilang Singers’ Nodes. Ito’y parang kalyo sa vocal cords na sanhi ng kasisigaw, kakasalita ng walang hinga-hinga o placing.

READ MORE:  Pag-apir ni Willie sa Banana Split, ‘di ipinalabas

Wala namang problema si Kitkat sa pagkanta dahil nasa tamang placing iyon. “Sabi nga ng doctor kung puwede ko ikanta ang mga salita ko o sigaw na parang birit mas maganda. Kasi misuse, mali ang gamit ko ‘pag nagsasalita at sigaw at daldal. So, nagkakalyo kumbaga ang vocal cords ko,” kuwento ni Kitkat.

Kaya kinailangang mag therapy si Kitkat o ‘yung Speech Language Voice Therapy sa Speech Pathologist para i-therapy ang mga tamang pagsalita, pagsigaw, at pagdaldal ng matagal.

“Parang voice lessons pero para sa pagsasalita. Medyo may tatlong buwan na kasi akong paos, wala naman akong sakit kaya medyo nag-worry po ako. Mas maganda pa na puro super kanta ng kanta kasi mas nagiging healthy ang vocal folds ko. Pero ayun, maraming gigs ng fiesta, so sigaw ng sigaw. Hahahhaha!”

READ MORE:  Atty. Acosta, may follow-up movie agad pagkatapos ng Angela Markado

Nakadagdag pa ang acid reflux sa pamamaga ng larynx at vocal cords ni Kitkat kaya pinagagaling din niya ito.

“Actually ‘di naman talaga siya sakit, kumbaga nga po sa kalyo, kalyo po siya sa paa kakagamit or maling paggamit ng shoes or masikip.

“Usually ang nodules, ‘pag maliit at isa lang, minsan mas gusto ng singers. Kasi, mas nakadaragdag ng power or body sa boses lalo kung ang forte ng kanta is parang tipong Aegis. Kasi minsan kapag may nodules ay medyo nagha-husky ng kaunti, so maganda siya sa mga kanta ng tulad ng Aegis, Christina Aguillera, etcetera.”

READ MORE:  Maling-mali na idinadamay ang mga mahal ko sa buhay — Robin

Hindi naman apektado ang teleserye niyang Sana Dalawa Ang Puso dahil normal pa rin naman ang boses niya. At hangga’t maaari, iniiwan na niya ang sobrang pagsasalita kung hindi naman kailangan.

SHOWBIZ KONEK
ni Maricris Valdez Nicasio


Pauline Mendoza, gustong mag-concentrate sa drama
Pauline Mendoza, gustong mag-concentrate sa drama
COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved