Categories: Bulabugin

Bigas, bigas nasaan na ang bigas?!

SIGNOS na ba para sa mga Filipino na ang isang bansang halos taguriang rice granary ay nagkakaproblema sa supply ng bigas sa kasalukuyan?!

Isang nakatatakot na pangitain na baka isang umaga ay wala nang mabiling bigas ang masang Filipino — kaya kahit ang binubukbok na bigas ay pinag-aagawan.

Kung umaangal ngayon sa walang tigil na pagtaas na presyo ng bigas, baka sa susunod ay ‘isubasta’ na ito at ang tanging makabibili ay ‘yung highest bidder.

Mga pangitain lang naman ‘yan — nakatatakot na pangitain — na kahit ang inyong lingkod ay kinikilabutan kapag sumasagi sa ating isipan.

Pero ano ba talaga ang nangyari at nahaharap ngayon sa ganitong situwasyon ang bansa sa isyu ng bigas?

Dati ay mayroong NFA Council na binubuo ng mga pinuno ng iba’t ibang ahensiya at pinag-uusapan doon kung paano matitiyak na hindi maaagrabyado sa bilihan ng bigas ang mga local producer.

Mismong si CabSec Jun Evasco at NFA administrator Jason Aquino ay nagkagirian dahil pinipilit noon ni Aquino na mag-angkat ng bigas ang NFA.

Pero para kay CabSec Jun, dapat i-prioritize ng NFA ang pagbili ng bigas mula sa ani ng ating mga magsasaka kaysa mag-import agad.

At kung papayagan umano ang importasyon, hindi ang gobyerno ang dapat mag-import kundi private sector.

Nagkaroon ng matinding banggaan sa isyung ito na ang naging resulta ay tinanggal si Evasco sa NFA Council at pinayagan ang pag-aangkat  ng bigas. Ipinamahala na ito kay NFA admin Jason.

Kaya nagugulat tayo kung bakit matindi ang isyu ngayon sa bigas.

Ano ba ang nangyari sa rice importation?

Ang biglaang pagtaas ng presyo ng bigas sa Zamboanga dahil sa kakapusan umano ng supply ay isinisi sa ‘pagsugpo’ umano sa smuggling.

Ibig sabihin kung may smuggling may supply ng bigas?!

Wattafak?!

Kaya ang ginawa naman nitong si Agriculture Secretary Manny Piñol ay nag-imbuwelta ng  rice supply ng  Tawi-Tawi sa Zamboanga.

Pero sa kabila nito, rice importation pa rin ang sagot sa nagbabantang krisis ng bigas.

Kahit mayroong mga panukala na suportahan ang mga lokal na magsasaka para yumabong ang kanilang ani na makatutulong para huwag umangkat nang malaking volume ng bigas.

Pero sa mataas na presyo binhi at pataba ay lugi na ang mga magsasaka, ‘e bakit pa nga na­man sila magkakandakuba sa pagtatanim ng palay?!

‘Yan, nagkahetot-hetot tuloy ang industriya ng bigas…

Mukhang kinakapos na ng mahuhusay na ‘adviser’ o ‘consultants’ ang ahensiya na dapat magtiyak na hindi magugutom ang sambayanang Filipino.

Hindi kaya kailangan na rin ng ‘brain im­portation’ para maging brainy naman ang economic at food managers natin sa kasalukuyan?!

Hay kung puwede lang sana…

Pero pakiusap lang, huwag namang hayaang ang maliliit na mamamayan ang mahirapan para ma-satisfy ang ‘ego’ at ‘bulsa’ ng mga nakikinabang sa industriya ng bigas.


Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com


BULABUGIN
ni Jerry Yap


Police retirees nakikiusap na ibigay na ang pension differential
Retiradong pulis may pa-sugal lupa!?
COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

View Comments

Share
Published by
Jerry Yap

Recent Posts

Paolo Contis, pantapat kay John Lloyd

POSITIBO ang lahat ng reaksiyon ng mga nanood ng Through Night and Day premiere night noong Lunes na pinagbibidahan nina Paolo Contis at Alessandra…

1 hour ago

Estudyante ni Ogie Diaz, nag-ala Sarah Geronimo

PASLIT pa lang si Jermae Yape ay hilig na niya ang kumanta at sumayaw. Kaya naman hindi niya ine-expect na aabot…

1 hour ago

Kris, napuno na, business partner, itutuluyan na! (5 beses pinagbigyan, amicable at fair settlement)

ILANG linggo na ang nakalipas mula nang pormal na sampahan ng kaso ni Kris Aquino sa pitong munisipyo sa Metro Manila ang…

1 hour ago

PH nakahanda bilang country coordinator ng ASEAN-China Dialogue Relations

SINGAPORE -Nakahanda ang Filipinas na gampanan ang papel bilang country coordinator ng ASEAN-China Dialogue Relations hanggang 2021. Sa kanyang ‘intervention’…

1 hour ago

Suporta sa ASEAN tiniyak ni Duterte (Sa ayuda sa Rakhine state)

SINGAPORE -  Ginarantiyahan ni Pangulong Rodrigo Duterte ang buong suporta sa mga ginagawang hakbangin ng ASEAN sa pagbibigay ng humanitarian…

2 hours ago

6 todas sa bus vs trike (Sa Digos City)

ANIM ang patay maka­raan bumangga ang sina­sakyan nilang tricycle sa isang bus sa Digos City, nitong Miyerkoles ng umaga. Ayon…

3 hours ago