Categories: Opinion

Bigas, bigas nasaan na ang bigas?!

SIGNOS na ba para sa mga Filipino na ang isang bansang halos taguriang rice granary ay nagkakaproblema sa supply ng bigas sa kasalukuyan?!

Isang nakatatakot na pangitain na baka isang umaga ay wala nang mabiling bigas ang masang Filipino — kaya kahit ang binubukbok na bigas ay pinag-aagawan.

Kung umaangal ngayon sa walang tigil na pagtaas na presyo ng bigas, baka sa susunod ay ‘isubasta’ na ito at ang tanging makabibili ay ‘yung highest bidder.

Mga pangitain lang naman ‘yan — nakatatakot na pangitain — na kahit ang inyong lingkod ay kinikilabutan kapag sumasagi sa ating isipan.

Pero ano ba talaga ang nangyari at nahaharap ngayon sa ganitong situwasyon ang bansa sa isyu ng bigas?

Dati ay mayroong NFA Council na binubuo ng mga pinuno ng iba’t ibang ahensiya at pinag-uusapan doon kung paano matitiyak na hindi maaagrabyado sa bilihan ng bigas ang mga local producer.

Mismong si CabSec Jun Evasco at NFA administrator Jason Aquino ay nagkagirian dahil pinipilit noon ni Aquino na mag-angkat ng bigas ang NFA.

Pero para kay CabSec Jun, dapat i-prioritize ng NFA ang pagbili ng bigas mula sa ani ng ating mga magsasaka kaysa mag-import agad.

At kung papayagan umano ang importasyon, hindi ang gobyerno ang dapat mag-import kundi private sector.

Nagkaroon ng matinding banggaan sa isyung ito na ang naging resulta ay tinanggal si Evasco sa NFA Council at pinayagan ang pag-aangkat  ng bigas. Ipinamahala na ito kay NFA admin Jason.

Kaya nagugulat tayo kung bakit matindi ang isyu ngayon sa bigas.

Ano ba ang nangyari sa rice importation?

Ang biglaang pagtaas ng presyo ng bigas sa Zamboanga dahil sa kakapusan umano ng supply ay isinisi sa ‘pagsugpo’ umano sa smuggling.

Ibig sabihin kung may smuggling may supply ng bigas?!

Wattafak?!

Kaya ang ginawa naman nitong si Agriculture Secretary Manny Piñol ay nag-imbuwelta ng  rice supply ng  Tawi-Tawi sa Zamboanga.

Pero sa kabila nito, rice importation pa rin ang sagot sa nagbabantang krisis ng bigas.

Kahit mayroong mga panukala na suportahan ang mga lokal na magsasaka para yumabong ang kanilang ani na makatutulong para huwag umangkat nang malaking volume ng bigas.

Pero sa mataas na presyo binhi at pataba ay lugi na ang mga magsasaka, ‘e bakit pa nga na­man sila magkakandakuba sa pagtatanim ng palay?!

‘Yan, nagkahetot-hetot tuloy ang industriya ng bigas…

Mukhang kinakapos na ng mahuhusay na ‘adviser’ o ‘consultants’ ang ahensiya na dapat magtiyak na hindi magugutom ang sambayanang Filipino.

Hindi kaya kailangan na rin ng ‘brain im­portation’ para maging brainy naman ang economic at food managers natin sa kasalu­kuyan?!

Hay kung puwede lang sana…

Pero pakiusap lang, huwag namang hayaang ang maliliit na mamamayan ang mahirapan para ma-satisfy ang ‘ego’ at ‘bulsa’ ng mga nakikinabang sa industriya ng bigas.

RETIRADONG PULIS
MAY PA-SUGAL LUPA!?

KA JERRY, tila siga-siga itong si GUTYERES bukod sa retiradong pulis ay naglagay pa ng sugal lupa sa tapat ng simbahan ng Tondo; sa gilid ng Manila Cathedral: at sa Ylaya St. Ang siste wala itong kapital at ang perang tatalunin sa kanila ay galing rin sa mga mananaya. Take note, may mga alalay pang mga pulis. Mukhang takot ang hepe ng MPD PS-2. Ano kaya ang masasasabi ni Gen. Anduyan at NCRPO chief Guillermo Eleazar? Aba, aba mga sir, mukhang wala kayong binatbat sa retiradong pulis Maynila!

+639125277 – – – –

POLICE RETIREES
NAKIKIUSAP
NA IBIGAY NA
ANG PENSION
DIFFERENTIAL

MR. YAP pakibulabog naman kay Pres. Digong na ibigay na ang pension differential ng mga police retirees na matagal din hong pinakinabangan ng pamahalaan natin ang serbisyo’t buhay. Paki naman ho sa ating presidente kahit ‘di n’ya kami isinama sa increase at inuna ang mga uhugin na wala pang pinagserbisyohan. Is this what we deserve Mr. Yap?

+63950621 – – – –


Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com


BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Mathay, aatras; Willie, tatandem kay Paulate

PINAHIHINTULUTAN ng Comelec ang tinatawag na substitution o pagpalit ng kandidatong nauna nang nag-file ng kanyang certificate of candidacy o…

8 hours ago

3 kandidata ng Miss Earth, pare-pareho ng reklamo

SA umano’y tatlong biktima ng sexual harassment, si Miss Earth Guam lang ang matapang na nagpangalan sa pageant sponsor na…

8 hours ago

Sunshine, open na sa relasyon nila ni Macky Mathay

KAPANSIN-PANSIN na mukhang mas open na ngayon si Sunshine Cruz sa kanyang relasyon sa kanyang inaamin na niyang boyfriend na si Macky Mathay. Karapatan…

8 hours ago

Atty. Falcis, may bagong inaaway

NAG-POST na naman si Atty. Jesus Falcis, siya iyong abogadong nakagalitan ng Korte Suprema noong dumating na hindi tama ang bihis ayon…

8 hours ago

Alessandra, may pauso sa pagpapakalbo?

NATATANDAAN namin, noong araw basta ang isang babae ay pinaparusahan ng kanyang mga magulang, na ang karaniwang dahilan ay “kalandian”,…

9 hours ago

Sa paglamig ng AlDub, popularidad ni Alden, bumaba

UMAMIN na rin si Alden Richards na alam niyang siya ang sinisisi ng marami kung bakit hindi naging totoo ang love team…

9 hours ago