Thursday , September 27 2018
Breaking News
You are here: Home / News / Solon nanawagan: NFA chief resign
Solon nanawagan: NFA chief resign

Solon nanawagan: NFA chief resign

PINAGBIBITIW kahapon ni  House Appropriations Committee chair Rep. Karlo Nograles ang National Food Authority (NFA) administrator na si Jason Aquino kung hindi niya magagawan ng ak­siyon ang pagtaas ng presyo at pagkukulang ng bigas sa merkado.

Nakababahala, ani Nograles, “ang sitwasyon ng rice supply sa bansa pagkatapos nitong ikutin ang ilang mga palengke sa Cagayan de Oro City.

Kinagat ni Nograles ang hamon ni Aquino sa mga kongresista na umi­kot sa bansa at tingnan ang mga isyu patungkol sa bigas.

Ayon kay Nograles, masyadong mataas ang presyo ng bigas sa Caga­yan de Oro sa kadahi­lanang binawasan ng NFA ang supply nito mu­la 100 sako kada linggo at ibinaba sa 25 sako bawat outlet.

READ MORE:  Cong. Nograles, hangad ang tagumpay ng Mindanao Film Festival

Ani Nograles, inilipat ng NFA ang supply sa Zamboanga Peninsula.

Wala na aniyang pag­pi­pilian ang mga taga-Cagayan de Oro kundi bumili ng mahal na com­mercial rice.

“Sabi ng rice retailers dito, kahit linggo-linggo ang pag-akyat ng presyo ng rice suppliers, walang magagawa ang mama­ma­yan. Kailangan nilang kumain. Pati rice retailers mismo nagrereklamo kasi siyempre kada increase sa presyo karagdagang ka­pital ang kailangan nilang ilabas,” ani Nograles.

Nagbabala si Nogra­les, base sa reports na natanggap niya, na tataas pa ang presyo ng bigas bago dumating ang pana­hon ng pag-ani sa Set­yembre.

“Noon kasi pag mara­ming supply ng NFA rice, kapag bumabaha ang supply ng NFA rice sa palengke hindi nadidik­tahan ng middleman ang presyo ng commercial rice kasi may choice ang mamimili. Pag walang choice dahil walang NFA rice, kawawa talaga ang mga tao,” dagdag niya.

READ MORE:  Ex-NFA chief isaswak sa hoyo ni Roque

“This is the domino effect of the NFA’s actions, or lack thereof. Pinagsasamantalahan nila ang mamamayan. Mga probinsiyano ang unang tinatamaan,” pa­ha­yag ni Nograles.

Kaugnay nito, tina­wag ni Rep. Jose Panga­niban, Jr., ng party-list ng National Coalition of Indigenius Peoples (ANAC-IP), na irespon­sable ang mga opisyal ng NFA para sabihin na pu­wede pa kainin ang binu­bukbok na bigas ng NFA.

“Hindi naman ako palo doon sa statement ng NFA na puwede mong ipakain ‘yung nagbukbok na bigas,” ayon kay Panga­niban.

READ MORE:  ‘Idiotic structure’ ipinaaayos sa bagong NFA administrator (Sa tiyak na supply ng bigas sa buong bansa)

Ani Panganiban ang Department of Agri­culture ang nanga­nga­siwa sa inspeksiyon ng bigas at bago lumabas ang kargamento sa Cus­toms, dapat may certi­ficate mula sa DA na fit for human consumption ito.

“Kapag ini-certify ng DA na puwedeng kainin. Pero ‘di ba, nakakatakot kainin ‘di ba?”ani Pa­nganiban.

Ang solusyon sa pro­blema ng bigas, aniya, ay pagpapalago ng produk­siyon ng bigas.

“Kapag ini-develop ‘yung local rice pro­duction, hindi tayo ma­mo­mroblema sa bigas,” aniya.

Kulang rin aniya ang suporta ng gobyerno sa rice farmers na P9 billion lamang ang napupunta sa mga magsasaka ng palay mula sa P60 bilyong pon­do na nasa DA.

ni Gerry Baldo


Ahensiya ng bigas mabubuwag
Ahensiya ng bigas mabubuwag
COMMENTS

About Gerry Baldo

Scroll To Top
 

Copyright hatawtabloid.com | All Rights Reserved