Categories: Sports

Kambal na Ginto, pinalo sa tagumpay ng PH Women’s Golf

KAMBAL na gintong me­dalya ang pinalo ng Filipinas matapos mag-reyna kahapon sa women’s team at women’s individual event ng umiinit na 18th Asian Games sa Jakarta, Indonesia.

Naghahabol pa sa nangu­ngunang si Liu Wenbo ng China papasok sa ika-18 at huling hole, nagsalpak ng pambihirang eagle si Yuka Saso upang alpasan ang karibal na Chinese tungo sa gintong medalya ng golf women’s individual event na ginanap sa Pondok Indag Golf and Country Club sa Jakarta.

Umiskor ng 66 sa naturang fourth round ang 17-anyos na si Saso para magtapos sa 13-under 275 total na puntos para sa unang puwesto kontra sa Chinese na si Wenbo na nagka­sya sa 10-under 278 total na puntos matapos sumablay ng quadruple bogey sa 18th at huling hole.

Nagpasiklab rin ang isa pang Filipino golfer na si Bianca Isabel Pagdanganan sa kanyang 9-under 279 total tungo sa tansong medalya ng prestihi­yosong Asiad golf tournament.

Bunsod ng ginto ni Saso at tanso ni Pagdanganan, ang Filipinas din ang itinanghal na kampeon sa women’s team event kahit pa nagkasya lamang sa ika-17 puwesto ang kakampi nilang si Lois Kaye Go.

Dinaig ng Philippine women’s team ang Korea at China na nagtapos sa ikalawa at ikatlong puwesto, ayon sa pagkakasunod.

Bukod sa twin gold medal win na ito ng Filipinas, nanalo rin ng bronze medals sina Jefferson Loon at Dines Duma­an upang iakyat sa 12 kabuuang medalya ang bansa.

Magugunitang kahapon ay nasa ika-24 na puwesto ang bansa at umakyat na ngayon sa ika-14 puwesto mula sa 45-nation Asian Games bunsod ng tatlong gintong medalya at siyam na tansong medalya, isang linggo pa bago matapos ang naturang kompetisyon.

Ang 2016 Rio Olympics silver medallist na si Hidilyn Diaz ang nagbigay ng unang ginto sa Filipinas noong nakaraang linggo matapos ang kanyang panalo sa women’s weightlifting.

ni John Bryan Ulanday

COMMENTS
John Bryan Ulanday

Share
Published by
John Bryan Ulanday

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

1 day ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

1 day ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

1 day ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

1 day ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 day ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

1 day ago