Categories: Opinion

Lim idinepensa si Duterte

IDINEPENSA ni dating Manila Mayor Alfredo Lim si Pang. Rodrigo “Di­gong” Duterte laban sa mga nagkakalat ng fake news at paninira tungkol sa kalusugan ng pa­ngulo.

Sabi ni Lim, imbes mag­­hangad na may masa­mang mangyari sa ating Presidente, mas makabubuting ipana­langin natin ang patuloy na pagiging maayos ng kanyang kalusugan at tagumpay ng kanyang pamumuno sa bansa.

Ang pahayag ay ginawa ni Lim sa ‘PDP Cares’ anniversary, na sinabi din niyang malamang ay mas mabaon pa ang bansa sa mas malalang problema ng illegal drugs at iba pang krimen kung hindi si Presidente Rodrigo Duterte ang may hawak ng pamumuno sa Filipinas.

“As it is, we have a President who can ‘walk the talk’ and shows no mercy for criminals and yet, there are still some who persist in taking the wrong path. What more if our country’s leader is not as tough as President Duterte? Can you imagine?” ani Lim.

Aniya, base na rin sa kanyang karanasan, ang pakikipaglaban sa masasamang-loob sa loob at labas ng gobyerno ay napakahirap gawin.

Si Lim ay dating namuno sa National Bureau of Investigation, the Interior and Local Government Department at sa noon ay Western Police District, bukod pa sa pagiging dating mayor at Senador.

Batay sa kung gaano kagrabe ang mga uri ng krimen at kriminal sa buong mundo kasama na ang bansa, mahalaga umano ang pagkakaroon ng isang lider na matigas ang paninindigan, may kamay na bakal at tunay na determinadong walisin lahat ng uri ng krimen kahit ano ang mangyari, gaya ng Pangulo.

Idinagdag niya na ang pahayag ni President Duterte sa iniisip na pagbibitiw ay hindi dapat bigyan ng literal na interpretasyon dahil maliwanag na ito ay pagpapahayag lamang ng sobrang pagkadesmaya at pagod sa kahahabol sa mga gumagawa nang ilegal.

Sa dami ng mga naaresto, nakasuhan at natim­bog sa patuloy na matapang na kampanya laban sa illegal drugs at sa dami rin ng government officials na nasibak dahil sa korupsiyon, dapat lamang umanong maunawaan ng mga Filipino ang mga hugot ng Pangulo.

“Instead of engaging in fault-finding or wish­ing the President ill, we all should support his goals toward a drug-free and corruption-free country and contribute to the government efforts toward this direction  in whatever way we can,” ani Lim.

Binigyang-diin ni Lim na iisa lamang ang ating bansa at Pangulo, at ang anomang magiging tagumpay nito sa pamumuno ay buong bansa at sambayanan ang makikinabang.

EGCO & CO., KADUDA-DUDA
VS. AMPATUAN, MGA AKUSADO
SA MAGUINDANAO MASSACRE

Sabi ni Presidential spokesperson Harry Roque, desmayado raw si Pang. Rodrigo “Digong” Duterte sa ginawang pagpayag ng hukuman na makadalo si dating ARMM governor Zaldy Ampatuan sa kasal ng anak na babae, kamakailan.

Si Ampatuan ay kabilang sa mga pangunahing akusado na nililitis ng hukuman kaugnay ng Maguindanao massacre at maramihang pagpatay sa mga miyembro ng media noong 2009.

Ang pagdalo ni Ampatuan sa kasal ng anak na babae sa Sofitel nitong Martes (Aug. 21) ay pinayagan ng Quezon City Regional Trial Court sa kabila ng mahigpit na pagkontra ng panel of prosecutors ng Department of Justice (DOJ).

Buti pa si Pres. Digong at ang Palasyo ay nadesmaya, pero si Joel Egco at ang Presidential Task Force on Media Security (PTFoMS) ay wala man lang ginagawa.

May iba sigurong pinagkakaabalahan ang damuhong si Egco kaya ni ha, ni ho ay wala man lang tayong narinig mula sa kanila laban sa ibinigay na furlough kay Ampatuan.

Mas importante ba kay Egco na panghi­masukan ang bangayan ng dalawang press club sa Department of Interior and Local Government (DILG) na balitang pinag-aawayan ang P100-M pondo na gagamitin sa propaganda ng federalismo kaysa bantayan ang pag-usad ng kaso sa hukuman laban sa mga Ampatuan?

Ang masaklap ay hindi pa nakahahalata ang Palasyo kay Egco hanggang ngayon.

Ano‘ng relasyon ‘mayroon’ si Egco and Company sa mga Ampatuan na hindi natin alam?

(Para sa anumang sumbong at reaksiyon, mag-text o tumawag sa 09166240313. Maaring ipadala ang inyong liham sa e-mail address: lapidfire_14@yahoo.com) 

KALAMPAG
ni Percy Lapid

COMMENTS
Percy Lapid

Share
Published by
Percy Lapid

Recent Posts

MOA at MOC ikinasa ng PRRC

HIGIT pang pinagtibay ng Pasig River Rehabilitation Commission (PRRC) ang kanilang pangakong maibalik ang dating kagandahan ng Ilog Pasig matapos…

20 hours ago

Racasa sasabak sa World Cadet chess

MAGTUTUNGO ang country’s youngest Woman Fide Master (WFM) Antonella Berthe Murillo Racasa sa Europa na magtatangka para ma-improve ang kanyang…

20 hours ago

Bebot nagbigti sa Las Piñas

WINAKASAN ng isang 25-anyos babae ang sariling buhay sa pamamagitan ng pagbibigti sa Las Piñas City, kahapon ng umaga. Sa…

21 hours ago

Nat’l budget bubusisiin bago ipasa — Nograles

BUBUSISIN ang panu­kalang P3.7 trilyong bud­get para sa taong 2019 bago ipasa sa pangatlo at huling pagdinig. Ayon kay Davao…

21 hours ago

Magulang sinaksak ng anak

KRITIKAL ang kalaga­yan sa pagamutan ng isang mag-asawa maka­raan saksakin ng kanilang anak na lalaki na sina­sabing may diperensiya sa…

21 hours ago

Pateros vice mayor inireklamo ni misis sa pananakit

DAHIL umano sa pro­blema sa pamilya, naga­wang saktan ng bise-alkalde ang kanyang misis sa loob ng kanilang bahay sa munisipalidad…

21 hours ago