Categories: Sports

Alaska bagong simula nang wala si ‘The Beast’

BUBUKSAN ng Alaska Aces ang bagong yugto sa kasay­sayan ng prangkisa nito nang wala na ang dating star player na si Calvin Abueva sa pakiki­pagtuos kontra sa Meralco sa pagpapatuloy ng 2018 PBA Governors’ Cup sa Mall of Asia Arena ngayon.

Nakatakda ang sagupaan sa 7:00 ng gabi na tatangkain ng Aces na masungkit ang unang panalo kontra sa Bolts na hangad maipagpag ang masa­kit na kabiguan noong nakara­ang Linggo.

Matatandaang noong naka­ra­ang buwan ay tuluyan nang winakasan ng Aces ang anim na taong pagsasama nila ni Abueva nang itulak ito patungo sa Phoenix Fuel Masters kapalit si Karl Dehesa at ang first round pick sa 2019 PBA Rookie Draft.

Sa kabutihang palad, may masasandalang bagong lider ang Alaska sa katauhan ni Vic Manuel na inako ang kargada sa opensa ng Aces sa katatapos na Commissioner’s Cup.

Noon ay naglalaro na wala ang suspendidong si Abueva bago ang naturang trade, si Manuel na matalik na kaibigan ni Abueva ang nagtimon sa atake ng Aces tungo sa pagtata­pos nila sa eliminasyon bilang second seed.

Kinapos sa semi-finals ang Alaska kontra sa San Miguel ngunit kinabiliban si Manuel matapos semegunda sa karera ng Best Player of the Conference sa nagwaging si June Mar Fajar­do.

Inaasahan ni coach Alex Compton na makakuha ng suporta si Manuel mula sa kina Jeron Teng, Jvee Casio, Simon Enciso at ang pambatong import na si Mike Harris.

Ngunit hindi biro ang haha­rang sa kanilang daan sa katau­han ng Bolts lalo’t sabik itong maiganti agad ang masalimuot na 90-92 kabiguan kontra Talk ‘N Text.

Yumukod ang Meralco kahit solido ang naging laro ng 2-time Best Import na si Allen Durham kontra sa KaTropa na nagpapa­rada ng All-Filipino line-up.

Magugunitang noong naka­­raang Biyernes ay sinibak agad ng TNT ang import nitong si Mike Glover matapos magkasya sa malamyang 11 puntos at 15 rebounds tungo sa 90-103 kabiguan kontra sa NLEX.

Ito ang dahilan kaya’t All-Filipino ang sumabak na TNT squad kontra sa Meralco at sa kabutihang palad ay nakalusot sa likod ng super locals na sina Terrence Romeo at Jayson Castro.

Iyon ang pagkatalong nais ipagpag agad ng Meralco ngayon.

Upang matupad ito ay aasa si coach Norman Black na matulungan ng local players na sina Chris Newsome, Baser Amer, Cliff Hodge at KG Canaleta ang nahihirapang import nila na si Durham.

Sa kabilang banda, naka­hanap na ng kapalit ni Glover ang TNT sa katauhan ni Stacy Davis para sa laban nila ng Blackwater sa unang laro sa 4:30 ng hapon.

Aalalayan si Davis nina Romeo, Castro, Troy Rosario, Roger Pogoy at Kelly Williams para sa ikalawang sunod na panalo ng KaTropa.

Sa kabilang banda, sasandal ulit ang Blackwater sa residen­teng import nito na si Henry Walker sa tulong nina Mac Belo, Allen Maliksi, Raymar Jose at Mike DiGregorio.

ni John Bryan Ulanday

COMMENTS
John Bryan Ulanday

Share
Published by
John Bryan Ulanday

Recent Posts

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

7 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

7 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

7 hours ago

Lusot si Bam

DAIG ng maagap ang masipag. Ito ang kasabihang maaaring maikabit sa tumatakbong kandidato sa pagkasenador na si Senator Bam Aquino.…

8 hours ago

Bakit pinaslang ng SC ang wikang Filipino?

KUNG sa kasalukuyang panahon pala nabuhay ang pambansang baya­ni na si Gat Jose Rizal ay siguradong sa karsel pa rin siya…

8 hours ago

2,500 Navoteño nagkatrabaho sa cash-for-work

UMABOT sa 2,500 Navo­teño ang kumita ng extra income sa pagkakaroon ng cash-for-work sa Pama­halaang Lungsod ng Navo­tas. Nakatanggap ng…

11 hours ago