Categories: Opinion

Mga salamisim 5

Share

KAHAPON ay ginunita ng marami ang pataksil na pagpatay kay Senador Benigno Aquino Jr., sa tarmac ng Manila International Airport na mas kilala ngayon bilang Ninoy Aquino International Airport.

Naganap ang pamamaril ilang araw matapos magkaroon ng isang malaking symposium sa Pamantasang Santo Tomas na nagsalita si dating Senador Jose W. Diokno (RIP) kaugnay sa nagaganap na pandarahas ng rehimeng Marcos laban sa mga katunggali nito. Isa ang symposium na ito sa mga nagmulat sa mata ng maraming kabataan at estudyante ng nasabing pamantasan at dahil din dito ay nag-umpisang yumabong ang kasapian ng mga progresibong kilusan sa campus.

Linggo ng hapon nang mabalita sa amin sa Distrito ng Sta. Cruz, Maynila ang asasinasyon ni Ninoy at ‘di kalaunan ay napuno ang kalye sa aming barangay dahil sa isang biglaang rally ng mga taga-sa-amin. Mula noon ay hindi na natahimik ang diktadurang Marcos at hindi naglaon ay napatalsik sa poder.

Gayonman ay nakalulungkot na mukhang hindi nagtanda ang bayang Filipinas sa mga naging karanasan nito noong panahon ng diktadura dahil na rin sa ipinakitang walang kuwentang pamumu­no ng mga sumunod na administrasyon. Nagmukhang santo ang mga Marcos dahil sa kabi-kabilang katiwalian na napabalita sa panahon ng mga sumunod na pamunuan, umpisa sa administrasyon ni Aling Cory.

Nariyang nagkaroon umano ng Kamag-anak Inc., naibenta raw ang mga lupain ng pamahalaan, lumaganap kuno ang droga at sugal, sabi-sabing na-corrupt ang officer’s corp, pinagkitaan daw ang mga sangay ng pamahalaan at bulong-bulungang may mga pumatol sa sindikato ng droga.

Ang mga kontrobersiyang ito ang dahilan kaya nakababalik ngayon ang mga luma o matatandang elemento ng panunupil at kanilang matiyagang nililinis ang tala ng ating kasaysayan sa pagta­tangkang baguhin ito at palabasain na mabuti para sa ating ang diktadurang Marcos at masama ang antidote nitong demokrasya.

Sa mga kumilos at tunay na nakaaalam ng katotohanan, dapat ay ilantad at tutulan, hindi lamang ang pagiging hungkag ng diktadura, kundi ang pagiging bulaan ng mga sumunod na liderato. Dapat muling makiisa sa masa at pandayin ang bagong Filipinas upang sa susunod ay hindi na natin babalik-tanawan pa ang 21 Agosto, 21 Setyembre o ang huling linggo ng Pebrero.

***

Binabati ng Usaping Bayan si Lyvinna “Bing” Lim dahil sa pagiging 2nd placer na Best Inspired Dealer Achivement (BIDA) awardee ng The Filipino Channel-North America para sa Texas. Samant­ala, ang kanyang kapatid naman na si Leona Sala ang highest BIDA awardee sa Hawaii at buong North America.

Congrats sa inyong magkapatid at sa iba pa na nadeklara ng TFC na BIDA.

***

Pasyalan nin­yo ang Beyond Deadlines sa www.beyonddeadlines.com para sa mga balita sa ating nagba­bagang panahon. Sana ay makau­galian din ninyo na bisitahin lagi ang website ng Beyond Deadlines. Salamat po.

Pasyalan n’yo rin ang pahayagang Hataw sa hatawtabloid.com kung saan lumalabas din ang Usaping Bayan tuwing Miyerkoles at Biyernes.

USAPING BAYAN
ni Nelson Forte Flores

COMMENTS
Nelson Forte Flores

Published by
Nelson Forte Flores

Recent Posts

Gretchen at Claudine, magkasundo pagdating kay Dominique

BAGAMA’T they don’t really see eye to eye, it would be noticed that Gretchen and Claudine Barretto get along well… Read More

2 hours ago

Mahusay na aktres, iba na ang sexual preferences

NAGBABAGO rin pala ang sexual preferences ng isang utaw. Ito ang na-realize mismo ng isang mahusay na aktres na kaya… Read More

2 hours ago

Onanay, malapit nang tuldukan

MUKHANG malapit nang tuldukan ang seryeng Onanay na puro na lang away nina Mikey Quintos at Kate Valdez ang napapanood. Sa away lang ng dalawanumiikot… Read More

2 hours ago

The Maid in London, ipalalabas sa Malaysia

NAGING matagumpay ang ginanap na dalawang free screening ng advocacy film na The Maid In London sa Robinson’s Galleria noong December 7… Read More

2 hours ago

Liza, naniwalang may forever dahil kay Ice

ANIBERSARYO na ng kanilang maluwalhating pagmamahalan na nasaksihan naman namin ang pag-iisang dibdib nila na taon na ang lumipas sa… Read More

2 hours ago

Sharon Cuneta, may proyekto kay Direk Erik Matti

SA naging pagtanggap ng mga tagahanga nila sa muli nilang pagsasama sa Three Words to Forever maski pa gustuhin nina Sharon Cuneta at Richard Gomez na… Read More

2 hours ago