Categories: Opinion

Si Bongbong ang papalit kay Digong

MALINAW ang mensahe ni Pangulong Rodrigo “Digong” Duterte na gugustuhin niyang si dating Senador Bongbong Marcos ang pumalit sa kanya sakali mang siya ay magbitiw sa kanyang puwesto bilang presidente ng Filipinas.

Pero “panic” kaagad ang grupong dilawan at mabilis na kinontra ang pahayag ni Digong da­hil kung susundin daw ang Konstitusyon sa isyu ng pagpapalit ng pangulo si Vice President Leni Robredo ang dapat na humalili bilang pangu­lo.

Kung tutusin, wala namang dapat ikabahala ang oposisyon dahil mismong si Digong ang nag­li­naw sa kanyang pahayag tungkol sa pagpapalit ng pangulo, at ito nga raw ay “kanyang naisip lamang o masasabing walang legal na batayan.”

Ang problema kasi sa grupong dilawan ay “lundag nang lundag” kaagad kapag nakakita ng butas laban kay Digong. Hindi nila iniisip na maaaring inuurot lamang sila ni Digong para lumutang kung paano sila gagalaw o popo­sisyon sakaling magbitiw nga siya sa kanyang puwesto.

At nagkakamali ang oposision partikular ang grupong dilawan na hindi maaaring mangyari ang sinasabi ni Digong na ang papalit sa kanya ay si Bongbong.  Dapat isipin ng grupong dilawan na kung mananalo si Bongbong sa kan­yang protesta sa Presidential Electoral Tribunal (PET), tiyak na magkakatotoo ang sinabi ni Digong.

At dapat talagang mataranta ang grupong dilawan dahil ang pahayag ni Digong sa kanyang pagbibitiw sa puwesto ay mukhang isang pahi­watig sa mga mahistrado sa Korte Suprema na madaliing resolbahin ang protesta ni Bongbong laban kay Leni.

Sa kasalukuyan, mayorya ng SC na miyembro ng PET ay pawang kakampi ni Digong at hindi malayong kaagad madesisyonan ang protesta ni Bongbong at tuluyang masibak si Leni bilang pangalawang pangulo.

Kung totoo ngang sa susunod na taon ay magkakaroon ng desisyon ang PET, tiyak na tama pa rin ang sinabi ni Digong na siya ay magbibitiw at ang kanyang nonombrahan bilang bagong pangulo ay si Bongbong.

Kung mangyayari ito, parang nakahulagpos sa bigkis ng sawa si Digong sa problemang kan­yang kinakaharap.

At sa bahagi naman ni Bongbong, tiyak na parang pasan niya ang buong daigdig sa proble­mang kanyang kakaharapin kung siya man ay maging pangulo ng bansa.

Dito kasi magkakaroon ng tunay na “united front” ang oposisyon para pabagsakin si Bong­bong.

Mula sa kaliwa, gitna at kanang puwersa tiyak na uulanin ng walang humpay na kilos-protesta si Bongbong hanggang mapaalis siya sa kanyang puwesto.

Nakakatakot ang maaaring mangyari dahil baka matulad si Bongbong sa kanyang amang napatalsik sa puwesto sa pamamagitan ng tinatawag na “People Power.”

SIPAT
ni Mat Vicencio

COMMENTS
Mat Vicencio

Share
Published by
Mat Vicencio

Recent Posts

Mathay, aatras; Willie, tatandem kay Paulate

PINAHIHINTULUTAN ng Comelec ang tinatawag na substitution o pagpalit ng kandidatong nauna nang nag-file ng kanyang certificate of candidacy o…

1 day ago

3 kandidata ng Miss Earth, pare-pareho ng reklamo

SA umano’y tatlong biktima ng sexual harassment, si Miss Earth Guam lang ang matapang na nagpangalan sa pageant sponsor na…

1 day ago

Sunshine, open na sa relasyon nila ni Macky Mathay

KAPANSIN-PANSIN na mukhang mas open na ngayon si Sunshine Cruz sa kanyang relasyon sa kanyang inaamin na niyang boyfriend na si Macky Mathay. Karapatan…

1 day ago

Atty. Falcis, may bagong inaaway

NAG-POST na naman si Atty. Jesus Falcis, siya iyong abogadong nakagalitan ng Korte Suprema noong dumating na hindi tama ang bihis ayon…

1 day ago

Alessandra, may pauso sa pagpapakalbo?

NATATANDAAN namin, noong araw basta ang isang babae ay pinaparusahan ng kanyang mga magulang, na ang karaniwang dahilan ay “kalandian”,…

1 day ago

Sa paglamig ng AlDub, popularidad ni Alden, bumaba

UMAMIN na rin si Alden Richards na alam niyang siya ang sinisisi ng marami kung bakit hindi naging totoo ang love team…

1 day ago