Thursday , March 28 2024

Phil team, pinakamaliit na delegation sa ASIAD

READ: Pelikula ni Lamasan, tinatao, nakapagbibigay din ng maraming awards sa mga artista

NAPANOOD namin ang live telecast ng pagbubukas ng 2018 Asian Games sa Jakarta-Palembang, sa Indonesia. Medyo mas maaga ng kaunti lang naman, ang napanood naming live coverage sa pamamagitan ng video streaming sa internet, at saka tuloy-tuloy kasi walang commercials. Eh sa telebisyon, may mga bahaging napuputol dahil nagsisingit sila ng commercials nila.

Napakaganda ng kanilang ginawang opening. Nakagugulat lalo na ang ginawang pagsasayaw ng mahigit na 15,000 dancers, na nagsasayaw nang sabay-sabay. Matutuwa ka rin sa kanilang production presentation, lalo na ang entrance ni Presidente Joko Widodo ng Indonesia na dumating na nakasakay sa isang motorsiklo. Malakas ang hiyawan ng mga tao nang dumating siya sa stadium. Popular president din kasi si Widodo kagaya ni Presidente Digong.

Iyong fireworks, aba eh walang binatbat iyong mga nakikita nating isinasali pa sa contests dito sa ating bansa. Ang tindi ng ginawa nila, tiyak matindi rin ang gastos.

Pero siyempre pinanood namin iyan para makita ang Philippine team. Isa sa may pinaka-maliit na delegation ang Pilipinas, sinasabi nga ng ilang mga kritiko na ni hindi mo masasabing totoong Pinoy ang may dala ng ating bandera. Walang naipakita sa telebisyon na head of state, o sino mang mataas na opisyal ng pamahalaan na naroroon para sila bigyang suporta, kagaya ng ginawa ng iba.

Pero makikita mo sa mukha ng mga atleta, lalo na sa mukha ng chief of mission na si Mayor Richard Gomez na buo ang kanilang pag-asa na may mangyayari sa kanilang pagsaling iyan sa ASIAD.

Marami pa silang comment tungkol sa ating basketball team. Pasalamat na nga lang tayo na nakabuo tayo ng isang team, kung hindi mas malaking kahihiyan dahil kung nagkataon ngayon lang tayo mawawalan ng isang basketball team simula pa noong panahon ng Far Eastern Games noong 1913.

At matindi rin ang basketball team. Huwag na ninyong intindihin iyong mga “import”, pero iyong katotohanan na nariyan sina Chris Tiu at James Yap, malaking bagay na iyon para sa mga Pinoy.

 

 HATAWAN
ni Ed de Leon

About Ed de Leon

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *