Categories: Opinion

27 ‘invisible’ barangays sa Maynila, iimbestigahan

Share

PAIIMBESTIGAHAN daw ni Department of Interior and Local Govern­ment (DILG) acting Sec. Eduar­do Año ang 27 non-existent o multong mga barangay sa Maynila.

Sabi ni Año, wala raw sasantohin ang DILG pero kailangan lang daw nila ng datos at impormasyon para sa isasagawang im­bes­tigasyon.

Kung sinsero talaga si Año at desididong imbestigahan ang 27 ‘invisible’ barangays na ikinokolekta ng Real Property Tax (RPT) share sa kaban ng Maynila ay walang kahirap-hirap niyang makukuha ang mga opisyal na dokumento sa Commission on Audit (COA).

Mismong COA ang nakadiskubre sa 27 invisible barangays na  nabulgar sa kanilang inilabas na 2017 audit report.

Ayon sa COA 2017 audit report, 896 lang ang kabuuang bilang ng barangay sa buong Maynila pero umaabot sa 923 ang mga barangay na tumatanggap ng RPT shares.

Umabot daw sa P1.374 billion RPT shares ang balanse na hanggang ngayon ay hindi pa naipamamahagi ng City Hall sa 896 lehitimong barangay sa Maynila – P480.12-million para sa last quarter ng 2016 at P893.951 million para sa first at second quarters ng 2017.

Sabi ng COA, P108.733 million RPT shares ang napunta sa 27 non-existent na invisible/ghost barangays sa Maynila kaya’t hindi naipapamahagi ang pondo sa 896 lehitimong mga barangay.

Ang 27 non-existent invisible/ghost bara­ngays ang dahilan kung bakit lumiliit at nababa­wasan ang RPT shares ng mga lehitimong barangay, ayon sa COA:

“Consequently, the RPT shares allocated to the 27 non-existent barangays resulted in the understatement of the corresponding shares that should be distributed to only 896 barangays of the City.”

Sabi ng COA, labag sa batas ang anomang pagkaantala sa pamamahagi ng 30-percent RPT shares sa bawat barangay na nasasaad sa Section 271(d) of RA 7160.

Ultimo mga opisyal na dapat kasuhan sa malaking katiwalian na ito ay madaling matutunton dahil tinutukoy sa 2017 COA audit report ang mga sangkot na opisina sa Manila City Hall.

Kompleto ang detalye sa inilabas na 2017 COA audit report at pagsasampa na lang ng kaukulang kaso ang obligasyon na dapat gawin ni Año at ng DILG.

Mismong COA din ang nagrekomenda ng imbestigasyon kaya’t aksiyon na lang po n’yo ang kulang, Sec. Año!

 

MAY BALAK BA SI TOPACIO

NA PASUKUIN SI PETER LIM?

HINAHANTING na raw ng Philippine National Police (PNP) at National Bureau of Investigation (NBI) ang Cebu-based suspected drug lord na si Peter Lim kasunod ng warrant of arrest na inilabas ng Makati Regional Trial Court.

Umaapela sa publiko ang PNP na ipagbigay-alam sa kanila ang anomang impormasyon sa ikadarakip ni Lim.

Walang makapagsabi kung si Lim ay nakatakas na palabas ng bansa bago pa naipag-utos ng hukuman na ilagay ang kanyang pangalan sa hold departure order (HDO) ng Bureau of Immigration (BI).

Pero mas interesado ang marami na malaman kung tutugon ang pangahas na abogadong si Ferdinand Topacio sa panawagan ng PNP para sa ikadarakip ni Lim – sa lalong madaling panahon.

‘Di hamak na mas mabigat na atraso kasi ang dapat panagutan ni Lim sa batas kompara sa naibasurang kaso ng “Makabayan 4” kamakailan na ipinangilak pa mandin ni Topacio ng milyones na bounty o pabuyang pondo.

Siguradong mahihirapan ang PNP at NBI sa hinihinging kooperasyon ng publiko dahil sa mga kabaro rin nila ay nasa bulsa ni Lim.

Mas marami siguro ang magkakainteres tumugon sa apela ng PNP kung maglalaan ng pa­bu­ya na pantapat sa pera ni Lim.

Wala kayanng balak si Topacio na pasukuin si Lim at idonasyon ang nalikom niyang P4-M na ‘di nagamit laban sa Makabayan 4 at ilaan na lang na pabuya sa sinomang makapagtuturo o makapagbibigay ng impormasyon sa kinaroroonan ni Lim?

Aber!

(Para sa anumang sumbong at reaksiyon, mag-text o tumawag sa 09166240313. Maaring ipadala ang inyong liham sa e-mail address: lapidfire_14@yahoo.com)

KALAMPAG
ni Percy Lapid

COMMENTS
Percy Lapid

Published by
Percy Lapid

Recent Posts

Kris, na-inspire kay Ellen DeGeneres

NA-INSPIRE si Kris Aquino sa American TV host na si Ellen Degeneres sa ginagawa nitong pamimigay ng regalo sa 12 days of Christmas Giveaways sa programa… Read More

1 day ago

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

1 day ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

1 day ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

1 day ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

1 day ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

1 day ago