Tuesday , March 19 2024

Nakalusot na ‘P6.8-B shabu’ espekulasyon — Palasyo

READ: PDEA, BoC magkasalungat sa drug smuggling sa magnetic lifters

TINAWAG na espeku­lasyon ng Palasyo ang ulat na naipuslit sa bansa ang may P6.8 bilyong halaga ng shabu.

Ayon kay Presidential Spokesman Harry Roque, kahit nakaaalarma ang pahayag ni Philippine Drug Enforcement Agency (PDEA) chief Aaron Aquino na nakalu­sot sa Bureau of Customs ang halos 1,000 kilo ng shabu na P6.8 bilyon ang halaga, espekulasyon ito dahil walang nagtuturong ebidensiya at hindi pa tapos ang imbestigasyon sa isyu.

“Of course, this is a reason for alarm dahil malaki ‘yung nahuli. ‘Yung sinasabi na posi­bleng nakapasok, ‘yan ang speculation pa. Hindi naman pa tinatanggap na gospel truth na ‘yan,” sabi ni Roque sa press briefing kahapon sa Malacañang.

Iniutos aniya ni Exe­cutive Secretary Salvador Medialdea sa National Bureau of Investigation (NBI) na siyasatin nang husto ang usapin.

“The Executive Secre­tary has ordered the NBI to conduct a thorough investigation into this matter. This was perso­nal­ly relayed to me by the Executive Secretary yes­terday afternoon,” dag­dag ni Roque.

Nakompiska kamaka­ilan ng PDEA ang aban­do­nadong container sa Manila International Container Port (MICP) na naglalaman ng dalawang malaking magnetic lifters na may ‘palamang’ 500 kilo ng shabu.

Nabisto ng PDEA ang apat na katulad na magnetic lifters sa isang bodega sa GMA, Cavite ngunit walang laman na shabu.

(ROSE NOVENARIO)

 

 

About Rose Novenario

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Leave a Reply

Your email address will not be published. Required fields are marked *