Categories: Opinion

Problemang shabu tuldukan

PATULOY ang masin­sinang pagtutok at pag­tugis ng mga elemento ng Philippine Drug Enforcement Agency (PDEA) laban sa ipinag­babawal na drogang shabu at sa mga de­mon­yong nagpapa­kalat nito.

Akalain ninyong kama­kailan lang ay natuklasan ng PDEA ang 500 kilo ng shabu na nagkakahalaga ng P4.3 bilyon na itinago sa dalawang magnetic scrap lifters sa loob ng isang container sa Manila International Container Port (MICP) na malamang ay inaban­dona dahil sa pangamba na mahuli ito ng mga awtoridad.

Dahil nakatago sa magnetic lifters ay hirap ang mga K9 dogs na maamoy ang ilegal na droga mula sa labas ng container.

Nakuha ng PDEA ang pangalan ng kompanya na dapat sana ay tatanggap nito at pati na ang nagmamay-ari nito na kanilang ipatatawag at hihingan ng paliwanag sa ilegal na kargamento. Sisilipin din nila kung may katotohanan na ang may-ari ng kompanya at ang grupo nito ay sangkot sa pag-aangkat ng shabu sa bansa sa loob nang ilang taon ngunit patuloy na nakalulusot at hindi nahuhuli.

Ang kontrabando ay dumating sa bansa noong 28 Hunyo 2018 mula Malaysia pero naniniwala ang mga awtoridad na nanggaling ito sa China. Inaalam din ng ahensiya kung sangkot ang mga kilalang sindikato tulad ng Bamboo Triad, 14K o Hong Kong Triad sa naturang shipment.

Tinututukan ngayon ni PDEA chief Aaron Aquino at ng kanyang mga tauhan ang posibilidad na may lima pang ibang shipments ng shabu na posibleng nakalusot sa Bureau of Customs. Nakatanggap kasi sina Aquino ng impormasyon na maaaring anim na container ang pinaglagyan ng droga.

Ngayon pa lang ay pinupuri na natin ang PDEA dahil sa walang humpay nilang pagtugis sa ilegal na droga. Pero upang tuluyang mawala ang pagdududa nino man na baka pinakikinabangan ng mga tiwaling opisyal ng gobyerno ang mga nakokompiskang bawal na droga ay makabu­buting ipakita sa publiko ang gagawing pagsunog sa shabu. Hindi maiiwasang may magduda na baka ma-recycle lang ang nakompiskang droga at maibenta pa rin sa mga adik.

Higit sa lahat, makabubuting magsagawa ng malalim na imbestigasyon upang matukoy kung sino man ang nagparating ng droga at pati na ang walang konsensiyang nakatakda sanang tumanggap nito.

Hindi maitatanggi na malalim na ang implu­wensiya na naitanim ng ilegal na droga sa halos lahat ng barangay sa bansa. Dapat maputol nang tuluyan ang pinag-uugatan ng droga kung nagmumula ito sa abroad o ginagawa lang dito sa atin. Ilang buhay at kinabukasan na ang gumuho at nawasak bunga ng ipinagbabawal na droga kaya dapat itong tuluyang matuldukan.

***

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

COMMENTS
Robert B. Roque, Jr.

Share
Published by
Robert B. Roque, Jr.

Recent Posts

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

5 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

5 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

5 hours ago

Lusot si Bam

DAIG ng maagap ang masipag. Ito ang kasabihang maaaring maikabit sa tumatakbong kandidato sa pagkasenador na si Senator Bam Aquino.…

5 hours ago

Bakit pinaslang ng SC ang wikang Filipino?

KUNG sa kasalukuyang panahon pala nabuhay ang pambansang baya­ni na si Gat Jose Rizal ay siguradong sa karsel pa rin siya…

6 hours ago

2,500 Navoteño nagkatrabaho sa cash-for-work

UMABOT sa 2,500 Navo­teño ang kumita ng extra income sa pagkakaroon ng cash-for-work sa Pama­halaang Lungsod ng Navo­tas. Nakatanggap ng…

8 hours ago