Categories: Opinion

Maging true gentlemen kaya ang mga Kano?

PLANO umanong ibalik ng US Department of Defense ang tatlong Balangiga Bells ng Eastern Samar na kanilang ‘ninakaw’ bilang ‘war booty’ mahigit isandaang taon na ang nakalilipas.

Mismong si Trude Raizen, deputy press attaché g US Embassy, ang nagsabi na ayon kay Defense Secretary James Mattis ipinaalam na nila sa US Congress ang kanilang intensiyon na isauli ang nasabing mga kampana.

Ito ang mga kampanang tinanggal ng kanilang mga sundalo sa simbahan ng Balangiga, Eastern Samar noong 1901.

Inihudyat ng nasabing mga kampana ang pag-atake ng mga gerilyang Filipino laban sa US troops ng 9th US Infantry Regiment.  Nalagas ang 48 US soldiers, kabilang ang kanilang commander.

Pero rumesbak si Gen. Jacob Smith at inatasan ang kanyang tropa na maghasik nang ‘walang kapantay na kademonyohan ng mga halimaw.’

Sinunog ang Samar at pinatay ang lahat, kabilang ang mga batang edad 10-anyos pataas. Umabot sa 25,000 Filipino ang pinaslang sa utos ni Smith.

Ayon mismo sa ulat ng US, ang isang kampana ay nasa 9th In­fantry Regiment sa South Korea, habang ang dalawa ay nasa F. E. Warren Air Force Base sa Wyoming.

Isa tayo sa umaasa na paninindigan ng US Defense Department ang kanilang pangako na ibabalik sa Filipinas ang Balangiga Bells.

Ilang taon nang umaasa hindi lang ang mga taga-Samar kundi ang buong sambayanang Filipino na muling ‘uuwi’ ang Balangiga Bells sa lugar kung saan nararapat na ilagak at itanghal bilang sagisag ng katapangan, kabayanihan, pagkamakabayan at tunay na pagka-Filipino.

Sa pag-uwi ng Balangiga Bells (sana’y ito pa rin ang orihinal at genuine) umaasa tayong ito’y sasalubungin ng buong bansa gaya sa isang malaking pagdiriwang.

TERMINAL
RATIONALIZATION
PROGRAM
HINDI MATUTULOY

NAUDLOT ang planong terminal assignments o Terminal Rationalization Program ng mga airlines sa Ninoy Aquino International Airport (NAIA) sa darating na 31 Agosto 2018.

Ito ang pahayag ng Manila International Airport Authority (MIAA) dahil may mga bagay pa raw na kailangan isaayos bago ang todong implementasyon ng naturang programa.

Ayon sa MIAA, “Terminal transfer of airlines will not proceed as originally envisioned. While talks with some airline operators have started and with some signifying their intent to transfer, options that have been discussed are explanatory in nature,”

Unang naging plano ng MIAA at Department of Transportation (DOTr) ang reassignment ng mga airlines upang maibsan ang nagsisikip na terminal sa pagdating ng mga eroplano at maging eksakto ang paggamit sa lahat ng terminals sa pamamagitan ng alignment ng domestic and international operations.

“In this regard, The MIAA in its letter dated June 5, 2018, formalized to the Committee Chairman of the House of Representatives Com­mittee on Transportation, its request to defer the implementation of the Terminal Rational­i­zation Program. Therefore, no transfer of airlines will occur until further notice,” ayon sa kanilang pahayag.

Inilinaw rin ng operator ng Ninoy Aquino International Airport (NAIA) na ang paglipat ng ilang flights ng Philippine Airlines (PAL) sa NAIA Terminal 1 ay para sa pre­pa­rasyon ng reha­bilitasyon ng Terminal 2 na posibleng simulan bago matapos ang kasalukuyang taon.

“We assure the (riding) public that pas­sengers’ safety, comfort and convenience are always our priority,” dagdag ng MIAA.

Klaro naman siguro ang pahayag ng MIAA.

DROGA SA AOR
NG ERMITA
BAKIT
HINDI
NABABAWASAN?

GOOD pm sir Jerry, gusto ko lang po sana iparating sa kinauukulan bakit ho talamak at mukhang mas lalong dumarami pa ang droga sa AOR ng MPD PS5 lalo na po sa Baseco. ‘Yung mga user lang raw po ang tinutuluyan nila at pinalalabas na PUSHER raw kahit walang ebidensiya ay ibinabaon nila. Akala po namin ay magiging matino na ang mga pulis sa singko nang hulihin nila Gen. Anduyan at Gen. Eleazar kasama ng mga media ang tatlong KOTONG COPS ng presinto. Pero sana imbestigahan kung totoo na ‘yung bigtime pusher kapag nahuli ay nakalalabas pa gaya nina Bainot, si Nanay kung tawagin. Kawawa po kaming mamamayan. Dapat ‘yan ang unang ipinapa-tokhang ni Du30 ang mga pulis na buwaya.

Pakitanong nga rin po sa bagong hepe ng MPD PS5, BASECO PCP at ‘bagman’ na si alyas Jessie Boy kung wala silang alam sa galaw ng droga sa kanilang nasasakupan sir. Salamat Boss Jerry pakitago na lang po ang aking pagkakakilanlan baka balikan ako ng mga tao nila dito.

– Baseco.er______96@yahoo.com

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

4 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

4 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

4 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

4 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

5 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

5 hours ago