Friday , March 29 2024

‘Deadlock’ sa cash-based hahantong sa reenacted 2019 national budget

KUNG hindi magkaka­sundo at humantong sa deadlock ang Kamara at ang Department of Budget and Management (DBM) sa paggamit ng pondo ng gobyerno na tinaguriang “cash-based” budgeting, maaaring magresulta ito ng reenacted budget sa 2019.

Ayon kay Albay Rep. Edcel Lagman patungo na sa “impasse” ang DBM at Kamara sa is­yung ito.

Ani Lagman, ang mga miyembro ng Kama­r­a ay laban sa bagong pa­ta­karan na gustong mang­­yari ni Budget Secretary Benjamin Diok­no.

Nagdulot ito ng malaking pagbabawas sa budget ng mga ahensiya ng gobyerno, ayon kay Lagman.

Sinuspende ng Kama­ra ang pagdinig sa 2019 Budget na isinumite ng Malacañang sa Kama­ra at ito’y nagbabadya ng re­enacted budget sa susu­nod na taon.

Sa ilalim ng “cash-based budgeting”  ang mga proyekto at progra­ma na puwedeng tapusin sa isang taon ang popon­dohan ng gobyerno.

Sa ilalim ng “obli­gation-based budgeting” ang mga proyekto at programa ay maaaring pondohan ng gobyerno kahit lumagpas nang isang taon at babayaran ito kapag natapos.

Sa isang pagpupu­long na ipinatawag ng liderato ng Kamara, ang mga kongresista sa opo­sisyon at sa magkakai­bang partido ay nagsa­ma­sama sa pagtutol sa “cash-based budgeting” ni Diokno.

Ani Lagman, ang bagong innovation ay walang legal na basehan.

May ipinapaikot na resolusyon sa Kamara ngayon para hilingin sa Senado na ibalik sa Ka­ma­­ra ang budget reform bill upang baguhin ito.

Itinanggi ni House Majority Leader Rep. Ro­lando Andaya, na may­roong ‘impasse’ sa deli­berasyon.

Nagtawag aniya sila ng break para makipag-usap kay Pangulong Ro­drigo Duterte at magka­roon ng malinaw na sen­yales sa isyung ito.

ni Gerry Baldo

About Gerry Baldo

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *