Friday , September 21 2018
Breaking News
You are here: Home / News / Kamara vs DBM: ‘Deadlock’ sa cash-based hahantong sa reenacted 2019 national budget
Kamara vs DBM: ‘Deadlock’ sa cash-based hahantong sa reenacted 2019 national budget

Kamara vs DBM: ‘Deadlock’ sa cash-based hahantong sa reenacted 2019 national budget

KUNG hindi magkaka­sundo at humantong sa deadlock ang Kamara at ang Department of Budget and Management (DBM) sa paggamit ng pondo ng gobyerno na tinaguriang “cash-based” budgeting, maaaring magresulta ito ng reenacted budget sa 2019.

Ayon kay Albay Rep. Edcel Lagman patungo na sa “impasse” ang DBM at Kamara sa is­yung ito.

Ani Lagman, ang mga miyembro ng Kama­r­a ay laban sa bagong pa­ta­karan na gustong mang­­yari ni Budget Secretary Benjamin Diok­no.

READ MORE:  Digong hinimok makipagpulong sa NSC at LEDAC

Nagdulot ito ng malaking pagbabawas sa budget ng mga ahensiya ng gobyerno, ayon kay Lagman.

Sinuspende ng Kama­ra ang pagdinig sa 2019 Budget na isinumite ng Malacañang sa Kama­ra at ito’y nagbabadya ng re­enacted budget sa susu­nod na taon.

Sa ilalim ng “cash-based budgeting”  ang mga proyekto at progra­ma na puwedeng tapusin sa isang taon ang popon­dohan ng gobyerno.

READ MORE:  Rigodon sa Kamara kinopo ng GMA allies

Sa ilalim ng “obli­gation-based budgeting” ang mga proyekto at programa ay maaaring pondohan ng gobyerno kahit lumagpas nang isang taon at babayaran ito kapag natapos.

Sa isang pagpupu­long na ipinatawag ng liderato ng Kamara, ang mga kongresista sa opo­sisyon at sa magkakai­bang partido ay nagsa­ma­sama sa pagtutol sa “cash-based budgeting” ni Diokno.

Ani Lagman, ang bagong innovation ay walang legal na basehan.

READ MORE:  Murder vs Makabayan 4 ibinasura ng korte

May ipinapaikot na resolusyon sa Kamara ngayon para hilingin sa Senado na ibalik sa Ka­ma­­ra ang budget reform bill upang baguhin ito.

Itinanggi ni House Majority Leader Rep. Ro­lando Andaya, na may­roong ‘impasse’ sa deli­berasyon.

Nagtawag aniya sila ng break para makipag-usap kay Pangulong Ro­drigo Duterte at magka­roon ng malinaw na sen­yales sa isyung ito.

ni Gerry Baldo

COMMENTS

About Gerry Baldo

Scroll To Top
 

Copyright hatawtabloid.com | All Rights Reserved