Categories: Opinion

Diosdado Macapagal International Airport (DMIA) ibabalik

Share

GAGARANTIYAHAN na ng batas ang permanenteng pagpapangalan sa Clark International Airport (CIA) Bilang Diosdado Macapagal International Airport (DMIA).

Ito ang isinusulong ng mga lokal na opisyal ng lalawigan ng Pampanga bilang pagtatanggol sa pangalan ng kauna-unahang Kapampangan na naging pangulo ng bansa.

Masyado yatang nainsulto ang mga Pampangeño nang palitan ni ex-PNoy (Kapampangang Tarlaqueño) ang paliparan na ipinangalan sa kanilang kababayan na si Ka Dado Macapagal at ipinakulong pa ang anak na si dating Pangulo ngayon ay House Speaker Gloria Macapagal Arroyo.

Pero sa pagkakataong ito, titiyakin na ng mga Pampangeño na hindi na matatanggal ang pangalan ng tatay ni SGMA sa paliparan na nasa Angeles City dahil isusulong nila ito sa Kamara.

Sabi nga ni Councilor Edu Pamintuan, ang pagbabalik ng pangalan na DMIA para sa airport ay alinsunod sa revised guidelines ng National Historical Commission na nagsasaad na ang pagpapangalan ay dapat na mayroong historical and cultural significance at nag-aambag ng positive development para sa national pride batay sa accomplishments ng paghahanguan ng pangalan.

Siguro nga, kailangan tiyakin ng mga Pampangeño na hindi na mabubura ang pangalan ni dating Pangulong Diosdado Macapagal sa paliparan na nasa Angeles City na dating nakapangalan kay dating US Air Force aviator, Major Harold Clark.

Hinangan na po ninyo ‘yan at tiyakin na maaaprobahan sa Kamara ang permanenteng pangalan na Diosdado Macapagal International Airport (DMIA) nang sa gayon ay hindi na mabiktima ng pamomolitika, habang si GMA pa ang Speaker of the House.

Sulong Pampangeño!

ECONOMIC BRIGHT
BOYS NI DIGONG
AYAW SA FEDERALISMO

ANG Gabinete ni Pangulong Rodrigo “Digong” Duterte ay parang choir…

‘Yun lang, choir na iba-ibang piyesa ang kinakanta sa iisang pagkakataon.

Kung ang kanilang conductor (Digong) ay kumukumpas para sa Federalismo, tila kuma­kanta naman ng kontra-piyesa sina Finance Secretary Carlos “Sonny” Dominguez III at Socio Economic Planning Secretary Ernesto Pernia.

Ayon kay Dominguez, kakailanganin ng gobyerno ng P131 bilyones sa unang taon ng transisyon habang sinasabi ni Pernia na magiging ‘sakuna’ ang federalismo sa ibang rehiyon.

Sa panahon na isinusulat ang borador nito nina dating Supreme Court Chief Justice Reynato Puno at iba pang dekano ng mga law at economic schools o ang bumubuo ng ConCom sa bansa, hindi natin naririnig ang mga reak­siyon mula sa iba’t ibang ahensiya ng pama­halaan.

Nanatiling estranghero sa publiko ang federalismo at maging ang tagapagsalita ng ConCom na si Ding Generoso ay hindi naririnig na nagpapaliwanag ukol rito.

Kaya naman mukhang lalong bumilib si Pangulong Digong kay Mocha dahil sa kontrobersiyal na ‘pepe-dede ralismo’ nila sa youtube ay biglang pinag-usapan ang fede­ralismo.

‘Yun lang, hindi sa tunay na esensiya nito, kundi sa pamamaraan kung paano ito pina­tampok ng PCOO.

Hindi natin alam ngayon kung magtata­gumpay pa itong federalismo gayong ang administrasyon mismo ni Tatay Digs ay hindi buo rito.

Paano na? Ang laki na nang ginastos dito.

Nganga na naman ba ang sambayanang Filipino?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Happiest birthday Boss Robz!

Our dearest Boss Robz, May you keep that inner child within you. We are excited to see greater things unfold… Read More

4 hours ago

Female star-TV host, nahihilig sa bagets

MAYROON din palang isang male star na naging bahagi ng isang youth oriented program na sikat noong araw na na-pick… Read More

5 hours ago

Tribute concert para kay Rico J. Puno, sa Nov. 23 na

SA November 23 mapapanood sa The Theater at Solaire ang Music and Laughter, tribute concert para kay Rico J. Puno.… Read More

5 hours ago

Tetay, galit sa magnanakaw

WAPAKELS as in walang pakialam si Kris Aquino kung maubos man ang kanyang yaman makamit lang niya ang kanyang hinihinging katarungan laban sa taong nanloko sa kanya… Read More

5 hours ago

Paring nangmolestiya kay Bea Rose, dapat matukoy

PAANO kung hanggang ngayon ay nangmomolestya pa rin ng mga bata sa Masbate ang pari na ‘yon na nanglapastangan kay 2013… Read More

5 hours ago

‘Bato’ ni Darna nawawala kaya ‘di na matuloy-tuloy?

ANO ba ang nangyayari talaga at naurong na naman ang pagsasa-pelikula niyang Darna? Noong una ay sinasabing tuloy na tuloy… Read More

5 hours ago