Categories: Sports

Thompson itinanghal na Finals MVP

PINARANGALAN si Scottie Thompson bilang Most Valuable Player ng 2018 PBA Commissioner’s Finals.

Ito ay matapos mamayani sa six-game series victory ng Barangay Ginebra kontra sa dating kampeon na San Miguel na nasaksihan ng 20,490 fans sa Mall of Asia Arena sa Pasay City kamakalawa.

Hindi ito inakala ni Thompson lalo’t ang tanging nais niya simula’t sapol ay matulungan ang Gin Kings na magwagi ng kampeonato.

“Unang-una, wala akong idea na may makukuha akong MVP.  Gusto ko lang talaga ay championship,” ani Thompson na nagrehistro ng 10.8 puntos, 7.7 rebounds at 5.2 assists sa umaatikabong six Finals games para sa Ginebra.

Produkto ng University of Perpetual Help System-Dalta sa NCAA, inamin ni Thomp­son na hindi niya akalaing magwa­wagi ng mga naturang parangal sa PBA nang ma-draft bilang 5th overall pick ng Ginebra noong 2015 PBA Rookie Draft.

Bagamat nag-MVP sa NCAA noong Season 90, masalimuot na nagwakas ang collegiate career ng do-it-all guard na si Thompson nang hindi nakapasok sa Final Four ang Altas sa kanyang huling playing year.

Kahit isang beses ay hindi siya nagkampeon bago marana­san ito sa Ginebra.

“I thank God, siguro everything happens for a reason. Talagang nabigo ako sa career ko sa Perpetual pero rito sa career ko sa PBA, sobrang blessed,” dagdag ni Thompson na nagtala ng 12 puntos, 13 rebounds at 5 assists sa title-clinching win ng Gin Kings sa Game 6.

Sa kabila nito, ibinigay ni Thompson ang papuri sa buong koponan ng Ginebra na para kan­ya ay siyang dapat na tanghaling MVP.

“Lahat kami, deserve ‘yung MVP. Pero mas deserve namin itong championship,” pagtata­pos niya. (JBU)

 

COMMENTS
John Bryan Ulanday

Share
Published by
John Bryan Ulanday

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

1 day ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

1 day ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

1 day ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

1 day ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 day ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

1 day ago