Categories: Opinion

Mga salamisim 4

SINO ang mag-aakala na makababalik sa poder si Aling Gloria Macapagal-Arroyo o GMA gayong dinurog siya ng kanyang dating estudyante, ang dating Pangulong Benigno Simeon Aquino III, sa pamamagitan ng mga patong-patong na kaso na isinampa laban sa kanya?

Hindi lamang nakabalik si GMA, nakaporma pa at nagawa pang gibain bilang Speaker of the House ang akala ng lahat na walang katinag-tinag na si Pantaleon Alvarez.

Grabe. Ito ay patunay lamang na talagang mahusay na politiko si GMA, kahit ano pa ang kanilang sabihin. Walang nakagawa ng kanyang mga ginawa, tama man o hindi ang mga iyon. Hangga’t hindi kinikilala ng kanyang mga katunggali ang kanyang husay sa larangan na kanyang ginagalawan, magngitngit na lang kayo sa tabi.

***

Hindi natin alam kung bakit nakalulusot sa Maynila ang pagbebenta ng mga kosmetiko na mapanganib sa kalusugan ng madla. Kamakailan lamang ay natuklasan ng EcoWaste Coalition, isang grupo na bantay ng kalikasan at pampublikong kalusugan, na ibinebenta sa sa Divisoria ang mga lipstick na kontaminado ng tinatawag na heavy metal tulad ng tingga.

Ayon sa EcoWaste Coalition, hindi lamang tingga, kundi kontaminado rin ng cadmium (‘yung ginagamit sa baterya), arsenic (isang uri ng nakalalasong kemikal), at mercury (na nagiging sanhi ng maraming sakit kabilang na ang pagkabuang) ang mga lipstick na may tatak na Qianxu at MAC, na pinaniniwalaang peke).

Tanging dito na lamang yata sa Filipinas at sa Tsina nabibili ang ganitong mga “health hazard” na produkto. Dangan kasi ban na ang mga ganitong produkto sa mga karatig bansa natin. Ano kaya ang ginagawa ng pamahalaang panglungsod ng Maynila? Natutulog sa pansitan?

***

Sa kabila ng mahigpit na kampanya ng pamahalaan laban sa salot na droga ay kataka-takang patuloy ang mga sindikato sa kanilang pagtatangka na magpasok ng illegal na narkotiko sa bansa sa pamamagitan ng koreo at mga kargamento na dumaraan sa pantalan.

Naalala ko tuloy ‘yung mga pelikula na napanonood ko noong kabataan ko tungkol sa mga sindikato na malakas umangkat ng droga na padadaanin sa mga pantalan dahil may mga bigating kontak na sumasalubong sa kanila. Hindi kaya, hindi lamang sa pelikula nangyayari iyon? Baka kaya may mga maimpluwensiyang kontak sila na namamayagpag ngayon?

Hmmmm…

***

Saludo ang Usaping Bayan sa mga kasapi ng Quezon City Police Department dahil sa kanilang mahigpit na pagpapatupad ng mga ordinansa ng Kyusee. Halos umaabot na sa limang laksa (5,000) ang kanilang nadarakip dahil sa paglabag sa iba’t ibang ordinansa ng lungsod na nagbabawal sa paglalakd nang nakahubad, paninigarilyo sa pampublikong daan, sa paglabas ng mga menor de edad sa panahon ng curfew, jaywalking, pag-ihi sa daan at kung ano-ano pa.

Ang disiplina ay nag-uumpisa sa maliliit na bagay. Mabuhay kayo Chief Supt. Joselito Esquivel Jr., mabuhay kayo Mayor Herbert “Bistek” Bautista.

***

Pasyalan ninyo ang Beyond Deadlines sa www.beyonddeadlines.com para sa mga balita sa ating nagbabagang panahon. Sana ay makaugalian din ninyo na bisitahin lagi ang website ng Beyond Deadlines. Salamat po.

Pasyalan n’yo rin ang pahayagang Hataw sa hatawtabloid.com kung saan lumalabas din ang Usaping Bayan tuwing Miyerkoles at Biyernes.

USAPING BAYAN
ni Nelson Forte Flores

COMMENTS
Nelson Forte Flores

Share
Published by
Nelson Forte Flores

Recent Posts

Palakpakan sa gera vs droga

KUNG mayroong isang bagay na labis na ikinatutuwa ng mamamayan, at ikinaiinis naman ng oposisyon, ito ay walang iba kundi…

22 hours ago

“The Story of My Life…”

ESSAY type writing and the likes, ang masasabi kong isa sa pinakaayaw ng aking baby, Alberta Kristea (aka Tea), 11-anyos,…

22 hours ago

Problemang paradahan

HALOS walang puknat ang pagsisikap ng mga awtoridad upang laba­nan ang trapiko, mapa­luwag ang mga lan­sangan at maalis ang mga…

22 hours ago

Alamin ang Anakalusugan

MAYROON itong isang grupo na nagbubuklod upang tahakin ang landas ng pagtulong sa kapwa Filipino lalo ang mga kapos-palad nating…

22 hours ago

Intelligence gathering pinaigting ng NBI

LALO pang pinaigting ni NBI Deputy Director for Intel CPA Eric Distor ang programa niya laban sa kriminalidad matapos aprobahan…

22 hours ago

Suking-suki ng Krystall Herbal products

Dear Sis Fely, Sumainyo ang pagpapala ni Lord sampu ng buo ninyong pamilya. Ako po Sis, si Sister Petra E.…

22 hours ago