Categories: Opinion

Konstitusyon hindi prostitusyon ang iniatas ipaliwanag ng PCOO at ni Asec Mocha Uson

Share

MATATAGALAN bago makabangon ang isinu­sulong na pagbabago ng Saligang Batas tungo sa Federalismo dahil sa karumal-dumal na sex-oriented video ni Pre­sidential Com­muni­cations Operations Office (PCOO) Assistant Secretary Margaux “Mocha” Uson na kuma­lat sa social media.

Hindi madaling ma­bu­bura sa isip publiko ang mantsang idinulot ng video ni Uson at ng siyokeng alalay niya sa nababoy na draft ng bagong Saligang Batas na pinaghirapan pa man din ng mga kagalang-galang na Consultative Committee (Con-com) na pinamunuaan nina retired Supreme Court (SC) Chief Justice Reynato Puno at dating Sen. Aquilino “Nene” Pimentel, Jr., sa loob ng ilang buwan.

Sinong hangal ang magsasabing hindi kahindutan ang “I-pepe, i-pepe, i-dede, i-dede, i-pepe-pepe-pepederalismo” sa video ni Uson at ng kanyang alalay na siyoke ay tumutukoy sa isinusulong na Federalismo?

Mismong ang Department of Interior and Local Government (DILG) bilang lead agency na kakampanya sa Federalismo ay umamin na nayurakan ang isinusulong na pagbabago sa Saligang Batas.

Desmayado si Assistant Secretary Epimaco Densing III, aniya: “Medyo nagkaroon ng damage at maraming sumama ang loob. Medyo nagkaroon ng konting lamat.”

Bakit ba sa mga bagay na may kaugnayan sa sex ang laging nasa kukote ni Uson at ng mga manyakol sa PCOO?

Imposible naman yatang napagkamalan ni Uson na Konstitusyon ang iniutos na ikampanya ng PCOO – hindi prostitusyon.

 

ANDANAR, USON, GENEROSO:

MAKAKAPAL ANG APOG

HUGAS-EKLOG na naman ang wala rin silbing amo ni Uson na si PCOO Sec. Martin Andanar para dumistansiya sa panibago at nilikhang kabu­wisitan sa administrasyon ng kanyang tanggapan na bumalandra sa administrasyon.

Ibinibintang ni Andanar ang sisi kay Ding Generoso, spokesman ng Con-com, matapos mabulyawan ni Executive Secretary Salvador Medialdea at makuwestiyon sa pagkakatalaga kay Uson na ikampanya ang pagbabago sa Saligang Batas tungo sa Federalismo.

Kung ‘di ba naman talagang puro kapalpakan lang lagi itong si Andanar, kesyo pinagsabihan na raw niya si Generoso gayong hindi niya ito sinaway bago nayurakan ang isinusulong na Federalismo.

Samantala mahigit isang linggo na lumabas sa media ang pahayag ni Generoso kay Uson na napili niyang kumampanya para sa Federalismo dahil sa milyones daw na following nito sa social media.

Bakit ngayon lang sasawatain ni Andanar ang pangahas na si Generoso at inantay pa niya na makagawa muna ng malaking prehuwisyo si Uson bago kumilos?

Alam natin na wala sa bokabularyo nina Andanar, Uson at Generoso ang salitang deli­ca­deza kaya’t wala tayong inaasahang may magbibitiw sa kanila na pawang kapit-tuko sa pu­westo, kahit pag-untogin pa ni Pres. Digong at ni SAP Bong Go ang kanilang mga ulo.

Kaya’t iisa lang ang tanong nang lahat, sisibakin ba sina Andanar, Uson at Generoso?

 

P100-M PINAG-AAWAYANG

PONDO SA INFO DRIVE

PARA SA FEDERALISMO

HINDI tayo naniniwala na may ibang makapag­papaliwanag sa pagbabago ng Saligang Batas tun­go sa Federalismo kung ‘di ang mga mismong may akda ng panukala.

Kahit ang DILG ay walang karapatang pamu­nuan ang kampanya kung hindi kasama ang mga miyembro ng Con-com na silang dapat magpa­liwanag sa mga babaguhing probisyon na sila rin ang may panukala.

Hindi pa man ay pinag-aawayan na nga ang P100 milyones na inilaang budget para sa information campaign ng Federalismo na delika­dong mapagsamantalahan lang ‘pag nagkataon.

Santisima!

KALAMPAG
ni Percy Lapid

Percy Lapid

Published by
Percy Lapid

Recent Posts

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

Ginang nagpatotoo sa maraming benepisyo ng paggamit ng Krystall products

Dear Sis Fely Guy Ong, Ito po ang patotoo ko sa paggamit ko ng Krystall Herbal Products: Ang pagbaba ng… Read More

5 hours ago

Digong kabado sa alyansa ng simbahan at sambayanan

NAIS ni Pangulong Rodrigo Duterte na mapi­gi­lan ang Simbahang Kato­lika na makipag-ugna­yan sa samba­yanang Filipino para tuldukan ang kanyang malupit… Read More

18 hours ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago