Categories: Sports

Beermen, pinaalis sa trono: Gin Kings hari ulit ng Commissioners’s Cup

MAKALIPAS ang 21 taon ay hari na ulit, sa wakas, ng PBA Commissioner’s Cup ang Barangay Ginebra.

Ito ay matapos sibakin ng Gin Kings ang nagdedede­pensang kampeon na San Miguel Beermen sa Game 6, 93-77, para sa kampeonato ng 2018 PBA Commissioner’s Cup sa harap ng 20,490 fans sa Mall of Asia Arena, Pasay City kama­kalawa.

Naiiwan pa sa 35-38 pagka­tapos ng first half, sumakay ang Gin Kings sa malaking 27-8 ratsada sa third quarter upang makapagtayo ng 62-46 abante papasok sa huling kanto.

Hindi na bumitaw pa sa manibela ang crowd darling na Barangay Ginebra buhat noon tungo sa unang Commissioner’s Cup championship simula noong 1997.

Siyang pinarangalang Best Import ngayong conference, trinangkuhan ni Justin Brownlee ang atake ng Gin Kings sa likod ng kanyang kompletong 31 puntos, 19 rebounds, 7 assists, 2 steals at 4 blocks.

Sumuporta sa kanya ang hinirang na Finals Most Valuable Player na si Scottie Thompson sa inilista nitong 12 puntos, 13 rebounds at limang assists habang may 13 at 11 puntos din sina Joe Devance at LA sa ibinuhos na 13 at 11 pun­tos, ayon sa pagkaka­sunod.

Ito na ang ikatlong kam­peonato ng Gin Kings sa loob ng tatlong taon buhat nang maging coach ang pinakamatagumpay na mentor sa kasaysayan na si Tim Cone.

Si Cone, sa kabilang banda, ay sinikwat ang kanyang ika-21 na titulo buhat sa kanyang 29-taong karera sa PBA.

Naging coach din si Cone ng Alaska at Purefoods kung saan siya nagwagi ng tig-isang grand­slam.

Bunsod nito, ang Ginebra ang kauna-unahang koponan na nakatalo sa San Miguel sa nakalipas na tatlong taon at kalahati.

Magugunitang simula nang hawakan ni head coach Leo Austria noong 2014 ay hindi pa natalo ang Beermen sa unang six Finals series nito upang maka­pagtayo ng dinastiya sa PBA bago malasap ang masakit na unang kabiguan ngayon sa kamay ng determinadong Gin Kings.

Nauwi sa wala ang 29 at 24 puntos nina Best Player of the Conference June Mar Fajardo at import na si Renaldo Balkman para sa Beermen.

ni John Bryan Ulanday

COMMENTS
John Bryan Ulanday

Share
Published by
John Bryan Ulanday

Recent Posts

Dovie San Andres walang paki sa bashers ng kanyang acting video

IMBES magpaapekto at ma-stress sa kanyang mga basher na nilalait ang kanyang ginawang acting  video na na-feature sa Paminta Superstar…

1 hour ago

Lance Raymundo, happy sa launching ng single niyang YATO

SOBRA ang kasiyahan ni Lance Raymundo sa launching ng bago niyang single titled YATO or You Are The One mula Viva Music. Bale, isang…

1 hour ago

Mojack, busy sa promo ng single niyang Katuga

NAKATUTOK ngayon ang magaling na singer/comedian na si Mojack sa promo ng single niyang Katuga. Si Mojack ay nasa Lodi Records…

1 hour ago

Pagbubukas ng Beautefy ng Beautederm, dinagsa

HINDI malaman ng mga nakasaksi sa pagbubukas ng Beautefy by Beautederm store ni Maria De Jesus sa Alimall, Cubao Quezon…

2 hours ago

Pinoys dinadaig sa job placement ng mga Chinese nat’l sa sariling bayan

SA deliberasyon ng 2019 budget para sa Department of Labor and Employment’s (DoLE) 2019 budget, tinawag ni Senador Franklin Drilon…

2 hours ago

Pinoys dinadaig sa job placement ng mga Chinese nat’l sa sariling bayan

SA deliberasyon ng 2019 budget para sa Department of Labor and Employment’s (Dole) 2019 budget, tinawag ni Senador Franklin Drilon…

2 hours ago