Friday , March 29 2024
AKSYON AGAD ni Almar Danguilan
AKSYON AGAD ni Almar Danguilan

Paalam Pareng Jetz

UNA sa lahat, sa ngalan ng Quezon City Police District Press Corps (QCPDPC), kaming mga bumubuo ng asosasyon — mga opisyal at miyem­bro ay lubos na nakikiramay sa pamilya Sinocruz ng Antipolo, Rizal at Pozorrubio, Pangasinan sa pagpanaw ni Jethro “Jets” Sinocruz nitong Sabado, 4 Agosto 2018. Siya ay pumanaw habang nakaratay sa QC General Hospital.

Si Jetz, bilang congress reporter namin ay isa rin sa regular member ng organisasyon. Nag-umpisang magsulat si Jetz noong 2003 sa diyaryong Imbestigador at ang kanyang unang assignment ay sa Makati partikular sa MMDA. Siya ay naging presidente ng Quezon City Press Club.

Nakaburol ang kanyang mga labi sa kanilang bahay sa Brgy. Malasin, Pozorrubio, Pangasinan at nakatakdang ihatid sa kanyang huling han­tungan sa Sabado, dakong 8:00 am, 11 Agosto 2018 sa Pozorrubio Cemetery.

Pareng Jetz, maraming salamat sa mga kasiyahan, tuwa, asaran, at iba pa. Tunay kang kaibigan na hindi malilimutan. Mahal ka namin bro.

Ngayon kasama mo na ang kanyang Dakilang Lumikha, wala nang kalungkutan, sakit o ano pa man at sa halip ay pulos saya at pagpupuri sa Panginoong Diyos.

Mahal ka namin Pareng Jetz.

Akalain ninyo, ang pagpanaw ni Pareng Jetz ay nangyari kinabukasan matapos ang isang ma­sa­­­ya’t matagumpay na botohan para sa new set of officers ng QCPD Press Corps. Katunayan, kung malakas-lakas si Jetz nang kasalukuyang nagaganap ang eleksiyon, malamang nakasama namin siya at nakaboto.

Hindi rin kasi matatawaran ang pagsuporta ni Jetz sa press corps partikular sa inyong lingkod. Maraming salamat uli p’re.

Napag-usapan na rin lang natin ang katatapos na eleksiyon sa QCPD Press Corps. Uli, ang inyong lingkod mula sa pahayagang ito (HATAW) ay naihalal bilang presidente. Nakatataba ng puso.

Siyempre, sa pagbibigay ng panibagong pagkakataon, nais kong pasalamatan ang mahigit sa 100 miyembro ng press corps sa patuloy na pagtitiwala.

Sa naganap na halalan nga pala, wala po tayong nakatunggali sa posisyon, hindi tulad noong 2017.

Maraming salamat uli sa inyo – aking mga minamahal na miyembro. Naihalal naman bilang Vice President si Val Leonardo (Remate); Secretary – Analyn Labor (Tribune); Treasurer – Nonoy Lacza (Business Mirror); Auditor – Boy Santos (Phil. Star); PRO – Rod Vega (GMA – DzBB); Sgt @ Arms – Alex Mendoza (Hataw) at Fredie Salcedo (DWAD) Chairman of the Board – Jan Sinocruz (Remate); Directors – Jun Mestica (Remate); Danny Querubin (Remate); Luisito Santos (DzBB); Peter Lacang (Pilipino Mirror): Manny “Ang mga buang” Palmero (Mla. Standard); Ryan Ang (TV 5); Jeff Gallos (Bulgar); Isay Reyes (ABS CBN 2); at Rolly Salvador (Malaya).

Congratulations sa atin lahat at maraming salamat sa patuloy na pagsuporta.

AKSYON AGAD
ni Almar Danguilan

About Almar Danguilan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *