Wednesday , September 19 2018
Breaking News
You are here: Home / News / Munti state college pinasinayaan nina Fresnedi at Biazon
Munti state college pinasinayaan nina Fresnedi at Biazon

Munti state college pinasinayaan nina Fresnedi at Biazon

PORMAL na pinasina­ya­an ng pamahalang lokal ng lungsod ng Mun­tinlupa, sa pangu­nguna ni Mayor Jaime Fresnedi, ang pagbubu­kas ng Colegio de Mun­tinlupa (CDM) para sa mga estudyanteng mag-aaral ng mga kur­song engineering sa naturang siyudad.

Isinagawa ang bles­sing and inaguration nitong 3 Agosto 2018 sa apat-palapag na gusali ng engineering school na pinondohan ng pamaha­laang lokal ng P208 milyon,  matatagpuan sa Posa­das Avenue, Brgy. Sucat, Muntinlupa City.

Sa kanyang men­sahe, sinabi ni Fresnedi na ha­ngad niyang maging isang “invesment hub” ang lungsod kaya’t pus­pusan niyang isinu­sulong ang iba’t ibang programa para sa ikabubuti ng mga Mun­tilupeño.

Dagdag ang mga pag­kila­la sa sama-samang pagtutulungan ng lahat tulad ng “Most Business Friendly” noong 2017 at kamakailan lamang ay nagkamit ng mga pa­rangal mula sa “Nutrition Council of the Philippines-Green Banner Award.”

Labis din ang suporta ni Congressman Ruffy Biazon (lone-district Muntinlupa) na isa sa mga dumalo sa inagurasyon ng CDM, sa lahat ng mga programa ni Fres­nedi dahil naniniwala siyang nasa mabuting direksiyon ang lungsod at kaisa siya sa patuloy na pag-unlad ng Muntinlupa.

Dumalo rin si City Administrator Engineer  Allan Cachuela, mga konsehal at ang pamu­nuan ng CDM.

Ang state of the art CDM ay magiging solar-powered, may rain water collection, may wind dual piping at mayroong sun and wind breakers.

Ang mga kurso sa CDM ay kinabibilangan ng BS Civil Engineering, BS Computer Engineer­ing, BS Electronics Engi­neering, BS Electrical Engineering at BS Mecha­nical Engineering.

(MANNY ALCALA)

COMMENTS

About Manny Alcala

Scroll To Top
 

Copyright hatawtabloid.com | All Rights Reserved