Categories: Opinion

Anino ng terorismo

HINDI maitatanggi na hanggang ngayon ay may mga pagkakataon na nalililiman pa rin tayo ng anino ng terorismo na kahit paunti-unti ay biglaang nagpa­param­dam ng kalupitan sa ating kawawa at wa­lang kamalay-malay na mga mamamayan.

Kamakailan nga lang ay muli itong naganap nang makalusot na naman ang mga terorista sa dapat sana’y mahigpit, tuloy-tuloy at walang puknat na pagbabantay ng ating mga militar nang magpasabog sila ng bomba sa loob ng isang van sa security checkpoint sa Lamitan, Basilan. Aka­lain ninyong pinahinto lang umano ng mga kawal ang sasakyan na naglalaman ng mga bomba na biglang pinasabog ng driver nito.

Ayon sa malupit na grupo ng teroristang Islamic State of Iraq and Syria (ISIS), sila ang nasa likod ng naturang suicide attack na pumaslang sa isang sundalo, limang militiamen ng gobyerno, apat na sibilyan at pati na sa mismong driver ng van. Ayon sa grupo ng mga Amerikano na nagmo-monitor ng aktibidad online ng mga terorista ay isang Moroccan ang nagpasabog ng sasakyan

Pero hindi naniwala ang ating militar at sinabing propaganda lang ito. Nanindigan ang Armed Forces of the Philippines (AFP) sa paniniwalang ang nagsagawa ng pambobomba ay walang iba kundi ang lokal na Abu Sayyaf. Malabo raw na isang dayuhan ang nagpasabog ng bomba dahil mahihirapan siyang magmaneho ng isang sasakyan sa lugar na hindi siya pamilyar. Bukod dito ay may natanggap daw silang intelligence reports na balak magsagawa ng mga pambobomba sa Basilan ang grupong Abu Sayyaf.

Ayon naman kay Senator Panfilo Lacson ay maaaring ito ang unang kaso ng suicide bombing sa ating bansa na posibleng gayahin ng ibang mga teroristang grupo at gawin sa matataong lugar kaya dapat imbestigahan nang husto.

May posibilidad din na ang naganap na pambobomba ay paraan ng isa o higit pang mga grupo upang iparamdam ang kanilang pagtutol sa Bangsamoro Organic Law na inaprobahan ka­makailan. Maaaring simula pa lang ito nang maga­ganap pang mga panggugulo sa hinaharap.

Pero ISIS man o Sayyaf ang tunay na nagsa­gawa ng pambobomba, ang maliwanag ay trinabaho ito ng mga demonyong terorista. At ang kailangan ay iba­yong pagtutok at paghihigpit sa ipi­natutupad na se­gu­ridad.

Batid naman ng mga elemento ng AFP na hindi sila puwedeng magpa­hinga o magluwag nang kahit kaunti sa kanilang pagtutok dahil ang mga tero­rista ay nagtatago lang sa paligid at naghihintay ng pagkakataon na puwede silang makapaghasik ng lagim sa lipunan nang kahit anong oras — umaga, tanghali, gabi o kahit madaling-araw.  Maghihigpit lang ba ang militar kapag tapos na ang pambobomba?

***

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

COMMENTS
Robert B. Roque, Jr.

Share
Published by
Robert B. Roque, Jr.
Tags: terorismo

Recent Posts

Sylvia sa relasyong Arjo at Maine — Mas nauuna ‘yung social media sa akin

NAGULAT si Sylvia Sanchez nang tanungin siya ni Melai Cantiveros tungkol kina Arjo Atayde at Maine Mendoza nang mag-guest siya…

9 mins ago

Joshua & Bimby, dahilan ng pagiging better person ni Kris

‘GIVE love on Christmas Day.’ Ito ang tinutugtog ni Joshua Aquino sa piano nitong Lunes nang gabi habang nagpapahinga ang…

16 mins ago

Crackdown vs illegal aliens sa casino dapat tutukan ni Labor Sec. Bello

BUKOD sa magandang relasyon ngayon ng mga pinuno ng ating bansa at ng China, oportunidad para makapagtrabaho sa Filipinas ang…

23 mins ago

Prankisa ng Mislatel balido at umiiral — Kamara

KINOMPIRMA ng Kamara ng mga Repre­sentante sa liham na ipinadala sa National Telecommunications Commission (NTC) na balido at umiiral ang…

26 mins ago

Kapatid umigi ang pakiramdam sa Krystall products

Dear Sis Fely, Magandang buhay po, sumasainyo ang pag­papala ng Panginoong Yahweh El Shaddai sa ngalan ng bugtong niyang anak…

3 hours ago

Crackdown vs illegal aliens sa casino dapat tutukan ni Labor Sec. Bello

BUKOD sa magandang relasyon ngayon ng mga pinuno ng ating bansa at ng China, oportunidad para makapagtrabaho sa Filipinas ang…

3 hours ago