Friday , September 21 2018
Breaking News
You are here: Home / Showbiz / Mocha, ‘di bagay sa isang advocacy film
Mocha, ‘di bagay sa isang advocacy film

Mocha, ‘di bagay sa isang advocacy film

READ: Nora at Lotlot, warla na naman

READ: Agenda ng Dilawan, ibinuking

KUMBAGA sa kalye, kontra-pelo (counterflow) para sa amin ang pahayag ni PCOO ASec Mocha Uson para idepensa ang pagiging bahagi niya ng isang advocacy film with a Hollywood actor in it.

Papel na news reporter ang ginagampanan ni Mocha.

Bahers’ favorite si Mocha dahil sa kanyang role. Anong “K” nga naman mayroon siya para bigyan ng hustisya ang kanyang papel gayong kilala siyang tagapagpalaganap ng fake news?

Dapat sa argument na ito sumentro si Mocha. Pero sa halip ay irrelevant ang kanyang mga inilatag na dahilan.

Aniya, libre ang kanyang serbisyo sa pelikula. Wala ni isang kusing ang mula sa kabang-yaman ng gobyerno. Hindi rin siya nag-shoot sa oras ng kanyang trabaho.

Hindi ito ang inaasahan naming magiging line of defense niya. Problema na ni Mocha kung hindi siya nagpabayad.

Ano ‘ika niya, hindi pera ng gobyerno ang ginastos sa filming? Eh, paano naman ‘yung anomalyang nakalkal ng COA sa ahensiyang pinamumunuan nila ni Secretary Martin Andanar, bakit hindi ‘yon ang ipaliwanag niya?

Siyempre, gasino nga lang naman ang TF niya sa movie, malayong-malayo ‘yon sa P1.2-M plus na sinahod niya mula nitong Mayo lang, gayong ewan kung sulit ang halagang ‘yon katumbas ng inaasahang serbisyo niya.

Oo naman, hindi dapat gamitin ni Mocha ang office time sa isang trabaho outside her official duties. At kung 9:00 a.m.-5:00 p.m. ang karaniwang office hours, so lumalabas na puro gabi ang shooting days niya?

Isa sanang intelihenteng sagot ang inaasahan naming mamumutawi mula sa bibig ni Mocha. Eh, kabog pa siya ng mga baklang sumali sa Miss Q & A sa It’s Showtime, ‘no!

May kasama sanang pagpapakumbaba ng kaunti considering na hindi naman talaga siya isang artistang umaarte sa harap ng camera.

Kung sabagay, challenging ang role na reporter para kay Mocha.

Offbeat, ‘ika nga, dahil hindi naman siya ‘yon that she will have to slip into a character na malayo sa kanyang pagkatao at trabaho.

Isa pa, bakit sa tuwing may mga namba-bash sa kanya’y lagi niyang pinagdidiskitahan ang mga Dilawan? Gaano nakatitiyak si Mocha na wala ni isang DDS ang naiinis sa kanyang mga pinaggagagawa?

Color-coded na ba talaga sa panahon ngayon ang galit sa politika?

HOT, AW!
ni Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved