HATAW! D'yaryo ng Bayan hatawtabloid.com
APAT lalaking kabilang sa top 10-most wanted persons sa listahan ng pulisya, ang arestado sa magkakahiwalay na operasyon sa Muntinlupa City.
Sa ulat ng pulisya, sa ilang araw na manhunt operation isinagawa, una nilang nadakip si Jefferson Imperial, 21, top 7; kasunod sina Christopher Alcantara, 18, at Jiro Reyes, 22, kapwa nasa top 8, at Edward Puno, 19, top 6.
Nadakip ang mga suspek sa iba’t ibang lugar sa Brgy. Poblacion, Brgy. Putatan, Brgy. Alabang at Brgy. Bayanan, sa naturang lungsod, sa bisa ng warrant of arrest.
Ang mga suspek na nakapiit sa himpilan ng pulisya, ay nahaharap sa kasong frustrated murder, attempted homicide at robbery na naka-pending sa korte ng Muntinlupa.
Nabatid na alinsunod ito sa utos ni Mayor Jaime Fresnedi, kay S/Supt. Gerardo Umayao, acting police chief ng Muntinlupa, na lalo pang paigtingin ang kampanya sa pagsugpo sa masasamang elemento at pagdakip ng mga awtoridad sa most wanted persons na may criminal record dahil sa iba’t ibang paglabag sa batas.
(MANNY ALCALA)
