Categories: Bulabugin

Ex-PNoy’s ‘transparency’ sa West Philippine Sea ‘ibinato’ ni Sec. Cayetano

Share

HINDI inatrasan ni Foreign Affairs Secretary Alan Cayetano ang mga kritisismo ni dating Pangulong Benigno Aquino at Bise President Leni Robredo tungkol sa umano’y kawalan ng “transparency” ng Duterte administration sa mga hakbang na ginagawa para ipaglaban ang karapatan sa West Philippine Sea.

Mariing pinanindigan ni Cayetano wala silang itinatago sa taongbayan lalo ang tungkol sa isyu ng pakikipag-ugnayan sa China o sa ibang bansa man.

Ipinagmalaki ni Cayetano, lahat ng meeting niya at ni Presidente Duterte sa mga pinuno ng China tulad ni President Xi Jin Ping, Chinese Premier Li Kequiang ay may mga record at hindi itinatago sa publiko.

Hindi rin sila maramot sa pagtanggap ng suggestions para mas mapabuti ang mga patakaran o programa kasabay ng pagtiyak sa mga Pinoy na “walang secret deals” sa pagitan ng China at Filipinas at walang dapat ipag-alala ang lahat dahil patuloy nilang isinusulong ang interes ng nakararami.

At kahit paulit-ulit, makailang beses nagpaliwanag ang Kalihim sa Kongreso at iba pang ahensiya ng gobyerno pati sa media tungkol sa kanilang mga ginagawa para pangalagaan ang ating “sovereign rights” sa West Philippine Sea.

Sa kabila nito, nagpasaring ang dating Pangulo na kulang ang “transparency” at  dapat ipaalam sa taongbayan ang mga nata­talakay sa mga negosasyon sa China para mawala ang agam-agam ng mga kababayan natin.

Tila paurot din na nagkomento si VP Leni na “hindi magtata­gumpay at hindi magbubunga nang mabuti” ang bilateral talks ng Filipinas sa China.

Lumalabas tuloy na parang sourgraping ang hirit ng ating dating Pangulo. Tumpak si Secretary Cayetano na dapat tanungin ni ex-PNoy ang kanyang mga kaalyado na sina Sen. Trillanes at dating Kalihim Albert del Rosario kung naging tapat at transparent din ba sila sa kanya noong termino niya?!

Palaisipan at bulag ang mga Filipino kung ano ang tunay na nangyari sa Scarborough o Panatag Shoal.

Karapatan nating malaman ang puno’t dulo ng pagkawala ng kontrol sa Scarborough Shoal. May papel ba ang Amerika sa mga nangyaring girian? Kaninong administrasyon ba unang nawala ang ating teritoryo?

Bakit parang binabaligtad nila ngayon gayong sila ang mas maraming hindi inilabas na mga kasunduan?

Hinamon ni Cayetano ang mga opisyal ng nakaraang admi­nistrasyon na ipaliwanag kung bakit nawala ang kontrol ng Filipinas sa Scarborough Shoal noong 2012 at kung ano ang papel ni Sen. Trillanes sa pakikipagnegosasyon sa China noon.

Mukhang nakalimutan ni ex-PNoy na bago magkagirian ng barko ang Filipinas at China, malayang nakapangingisda ang mga Filipino roon. Pagkatapos ng Scarborough Stand-off, nakontrol na ng China ang naturang fishing ground at nagdusa ang mga mangingisdang Filipino.

Ani Cayetano, patuloy nilang ipinaglalaban ang karapatan ng Filipinas sa West Philippine Sea ngunit iba ang kanilang paraan para maabot ito.

Aniya malaki ang epekto ng magandang relasyon ng RP-China sa turismo at ekonomiya ng bansa bukod sa paghupa ng tensiyon sa West Philippine Sea.

“Tatlo sa 4 na sovereign rights” na nakapaloob sa Arbitration ruling ay napapakinabangan ng mga Filipino sa ngayon.

Una nakabalik sa pangingisda ang ating mga kababayang mangingisda sa Scarborough Shoal.

Pangalawa, ang pagkakaron ng Agreement of Safety of Life at Sea na maaaring magbigay ng proteksiyon sa ating mga mangingisda kapag may bagyo o iba pang sakuna.

Pangatlo, ang pagkakaroon ng marine environment protection agreement para pa­ngalagaan ang mga yamang dagat. Ipinag­ba­bawal na rin ang paghuli sa mga isda at mala­laking clam sa mga breeding ground.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Gretchen at Claudine, magkasundo pagdating kay Dominique

BAGAMA’T they don’t really see eye to eye, it would be noticed that Gretchen and Claudine Barretto get along well… Read More

2 hours ago

Mahusay na aktres, iba na ang sexual preferences

NAGBABAGO rin pala ang sexual preferences ng isang utaw. Ito ang na-realize mismo ng isang mahusay na aktres na kaya… Read More

2 hours ago

Onanay, malapit nang tuldukan

MUKHANG malapit nang tuldukan ang seryeng Onanay na puro na lang away nina Mikey Quintos at Kate Valdez ang napapanood. Sa away lang ng dalawanumiikot… Read More

2 hours ago

The Maid in London, ipalalabas sa Malaysia

NAGING matagumpay ang ginanap na dalawang free screening ng advocacy film na The Maid In London sa Robinson’s Galleria noong December 7… Read More

2 hours ago

Liza, naniwalang may forever dahil kay Ice

ANIBERSARYO na ng kanilang maluwalhating pagmamahalan na nasaksihan naman namin ang pag-iisang dibdib nila na taon na ang lumipas sa… Read More

2 hours ago

Sharon Cuneta, may proyekto kay Direk Erik Matti

SA naging pagtanggap ng mga tagahanga nila sa muli nilang pagsasama sa Three Words to Forever maski pa gustuhin nina Sharon Cuneta at Richard Gomez na… Read More

2 hours ago