Wednesday , November 21 2018
Breaking News
You are here: Home / Showbiz / Loveteam, ‘di priority ni Cris Villanueva
Loveteam, ‘di priority ni Cris Villanueva

Loveteam, ‘di priority ni Cris Villanueva

READ: Gym instructor na naka-aksidente kay Lance, mayaman na

READ: Kris, ipinasilip, ilang eksena sa Crazy Rich Asians

AMINADO si Cris Villanueva na natutuwa siyang marami pa rin silang fans ni Kristina Paner hanggang ngayon. Pero wala sa priority niya ang magbalik-loveteam dahil sayang naman ang mga offer sa kanya para makapag-explore pa.

Tulad ngayon, kasama siya sa bagong aabangang teleserye mula ABS-CBN, ang Halik na gagampanan niya ang ama ni Sam Milby.

Aniya, okey lang na gumanap siyang ama ni Sam dahil pinalalawig pa sa Kapamilya Network ang mga karakter na ginagampanan nila.

Sa ABS-CBN din ang huli niyang proyekto, ang Magpahanggang Wakas kasama pa rin si Jericho Rosales.

READ MORE:  Aktres, bidang-bida sa pangangalakal ng human merchandise

Ani Cris, huli silang nagkasama ni Tina sa GMA-7, sa Magpakailanman two-three years ago. Pero hindi pa iyon nasundan pa  bagamat may offers na buuin muli ang mga loveteam-loveteam. Hindi na iyon naisakatuparan dahil nasa Kapamilya Network siya ng mga panahong iyon.

“Iyon ang malaking pasalamat ko dahil dire-diretso naman (offer sa AS-CBN) at hindi ako pinabayaan,” sambit ni Cris na matapos magpa-alaga kay Tita Angge ay sa CleverMinds Inc., napunta na pinamumunuan nina Omar Sortejas at Derick Cabrido.

Ani Cris, natutuwa siya sa CleverMinds dahil maganda ang layunin nito at marami na ang humahawak hindi katulad noon na isa lang personalidad ang nagpapatakbo.

READ MORE:  Lani Misalucha, may mga makalaglag-pangang pasabog sa La Nightingale concert

Thirty three years na si Cris sa showbiz at napamahal na sa kanya ang showbiz dahil noong nag-umpisa siya ay ekstra lamang na nagkaroon ng bit role hanggang sa napansin ni dating Ike Lozada na ginawang talent at saka ipinasok sa Regal Entertainment.

“Talagang grabe ang pagmamahal ko sa showbiz, tsinaga ko ito. Inilagaan ko ito ng matagal, so ito na ‘yung parang, kapag iniisip ko nga kapag tinatanong ako ng mga kamag-anak ko, ‘nag-aartista ka pa ba?’ Iniisip ko, ‘umalis ba ako?’ Parang hindi naman. Kaya lang siguro medyo nagtrabaho ako sa iba, nagnegosyo ng kaunti, pero kapag tinatawag akong bumalik, bumabalik ako.”

READ MORE:  Dennis at Jen, magka-holding hands habang namamasyal sa isang mall

Naikuwento pa ni Cris na may negosyo silang mag-asawa. “Isang publishing company, international magazine—lifestyle leisure travel.”

Mula sa pamilya ng literary genius ang kanyang asawa, tiyuhin nito si Rolando Carbonell.

Anim ang anak ni Cris na ang panganay ay 26 at ang pinakabunso ay 11 taong gulang. Anak niya iyong sumali sa isang beauty pageant.

Bukod sa pag-aartista, hilig din ni Cris ang pagpipinta. Katunayan, nasa social media account ng actor ang kanyang mga iginuguhit.

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved