Categories: News

1 patay, 3 timbog sa kidnap for ransom

Share

GALIT na galit si National Capital Region Police Office (NCRPO) Chief Guillermo Eleazar sa tatlong aktibong pulis na sina PO2 Joey Maru, PO1 Bryan Amir Bajo at PO1 Paulo Ocampo, habang nakahandusay at walang buhay sa gitna ng kalsada si PO1 Gererdo Ancheta, pawang nakatalaga sa PCP-1 Taguig Police, at sangkot umano sa kidnap for ransom, makaraan mahuli sa entrapment operation ng Station Drugs Enforcement Unit (SDEU), at Special Operation Unit (SOU) sa pangunguna ni C/Insp. Casan Ali, sa Tandem St., Arca South, Brgy. Western Bicutan, sa Taguig City. (ERIC JAYSON DREW)

NAHAHARAP sa kasong kidnap for ransom at illegal detention ang tatlong pulis na nakata­laga sa PCP-1 ng Taguig City Police.

Namatay ang isa nilang kasamahan sa nangyaring enkuwentro sa kanilang mga kabaro sa isang construction site sa Western Bicutan, Taguig City.

Agad binawian ng buhay sa insidente ang pulis na si PO1 Gererdo Ancheta, tinamaan ng mga bala ng baril sa iba’t ibang bahagi ng katawan.

Habang ang tatlong kasamahan niya ay nadakip na kinilalang sina PO1 Bryan Amir Ba­joof,  PO1 Paolo Ocam­po at PO2 Joey Maru, na sinasabing lider ng grupo.

Ayon kay Taguig City Police chief, S/Supt. Alexander Santos, nang­yari ang enkuwentro sa Tandem St., Arca South, sakop ng Food Terminal Inc. (FTI) sa Western Bicutan, Taguig City dakong 3:30 ng madaling araw.

Sinabi ni Santos, una nang biniktima ng grupo ang isang babaeng dating live-in partner ng isang umano’y drug dealer, na puwersahang pina­sok ang bahay at kinuha­a­n ng mga gamit at P50,000 salapi.

Nitong Lunes, 30 Hulyo, dakong 8:30 pm, dinukot ng grupo ang magkasintahang sina Ronielyn Caraecle at isang kinilalang alyas Samuel, sa Viscara St., Brgy. New Lower Bicutan ng natu­rang lungsod, na sinasa­bing sangkot sa droga.

Dinala ang dalawa sa isang lugar at sapilitang kinuha ng mga pulis ang P70,000, dalawang gin­tong relos at Louie Vuitton wallet.

Aniya, para makala-y­a, hiningian ng mga pulis ang magkasintahan ng halagang P200,000 ngunit ang naibigay lamang nila ay P20,000 dahil ito lamang ang nahagilap na halaga ng mga  kaanak ni Caraecle.

Napilitang palayain muna ang babae para makahagilap ng pera at naiwan ang nobyo sa mga pulis.

Nagpasyang mag­sum­bong si Caraecle sa tanggapan ng Taguig City Police dahil sa sinapit nila sa apat na pulis na dumukot sa kanila.

Agad nagsagawa ng entrapment operation ang mga kagawad ng Station Drug Enforcement Unit (SDEU) at Special Operation Unit (SOU) kontra sa kanilang mga kabaro.

Kahapon ng mada­ling-araw dakong 3:30 sa Tandem St., Arca South, Brgy. Western Bicutan ay nagkaroon ng enkuwentro ang grupo ng SDEU, SOU at mga suspek.

Sa palitan ng putok, bumulagtang walang buhay si Ancheta habang ang mga kasamahan niyang sina Maru, Ba­joof  at Ocampo ay nasa­kote.

Bunsod ng insidente, sinibak sa puwesto ang 39 pulis na nakatalaga sa PCP 1, kabilang ang kani­lang commander na si S/Insp. Joel Villapan.

(JAJA GARCIA)

COMMENTS
Jaja Garcia

Published by
Jaja Garcia

Recent Posts

Kris, na-inspire kay Ellen DeGeneres

NA-INSPIRE si Kris Aquino sa American TV host na si Ellen Degeneres sa ginagawa nitong pamimigay ng regalo sa 12 days of Christmas Giveaways sa programa… Read More

1 day ago

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

1 day ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

1 day ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

1 day ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

1 day ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

1 day ago