Categories: Opinion

Plantsadong balakin?

Share

KUNG ikokompara sa sport na boxing ay ma­s­asabing nagwagi na si dating President Gloria Ma­capagal-Arroyo da­hil naagaw na niya ang pinakamimithing titulo sa House of Represen­ta­tives mula kay Con­gress­man Pantaleon Alvarez bilang Speaker of the House.

Gayonman ay marami ang nagtaka kung bakit lumalabas na minadali ito at itinaon pa sa araw mismo ng pagbibigay ng State of the Nation Address (SONA) ni President Duterte. Pero kahit buo ang paniniwala ni GMA na dumaan siya sa legal na proseso sa unang panunumpa bilang bagong House Speaker bago dumating si Duterte ay inulit pa rin ito kinagabihan.

Hindi maitatanggi na marami ang naguluhan sa ginawang ito ni Arroyo. Pero sa palagay ng iba, ang bawat hakbang ni GMA ay bahagi ng plantsadong balakin na pinag-aralan nang husto bilang paghahanda sa katuparan ng kanyang mga plano na maging Prime Minister sa oras na matuloy ang planong pagpapalit ng gobyerno tungo sa federalismo na sinusuportahan ni Duterte.

Sa nakitang suporta na nakuha ni Arroyo mula sa mga kaalyado niyang kongresista ay kayang-kaya niyang maisakatuparan ang hangaring ito kung magkakaroon ng ganitong puwesto sa maaaprobahang federalismo.

Kapag naging Prime Minister si Arroyo ay parang nakabalik siya sa tuktok ng kapangyarihan dito sa bansa at puwede pa siyang manatili sa puwesto nang kahit gaano katagal hangga’t patuloy siyang ibinoboto ng mga kaalyado niyang kongresista. Alam naman natin na ang alin mang grupo na may pinakamaraming bilang ang laging nagwawagi sa Kongreso na palagiang numbers game ang batayan.

Sang-ayon man tayo o hindi ay hindi natin masisisi ang sino man kung magduda man sila kay GMA. Ayos lang sana ang lahat kung naging malinis at walang bahid-dungis ang pamumuno ni Arroyo noong siya ang Pangulo.

Pero hanggang ngayon ay sariwa pa sa isi­pan ng marami ang mga kapalpakan at kalokohan na kinasangkutan noon ni GMA at nangangamba sila sa posibilidad na maulit ang mga ito, lalo na ang pandaraya sa halalan. Pero kung hawak na ni Arroyo ang karamihan ng kongresista na kanya na palang kaalyado ay hindi na kakailanganing magkaroon pa ng dayaan dahil puwede na siyang manatli sa puwesto nang tuluy-tuloy.

***

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

Robert B. Roque, Jr.

Published by
Robert B. Roque, Jr.

Recent Posts

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

Ginang nagpatotoo sa maraming benepisyo ng paggamit ng Krystall products

Dear Sis Fely Guy Ong, Ito po ang patotoo ko sa paggamit ko ng Krystall Herbal Products: Ang pagbaba ng… Read More

5 hours ago

Digong kabado sa alyansa ng simbahan at sambayanan

NAIS ni Pangulong Rodrigo Duterte na mapi­gi­lan ang Simbahang Kato­lika na makipag-ugna­yan sa samba­yanang Filipino para tuldukan ang kanyang malupit… Read More

18 hours ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago