Categories: Bulabugin

Pakyawan ng ‘POGO’ sa PAGCOR dapat imbestigahan ng Kamara

Share

IBANG klase talaga ang mahihilig magnegosyo, ultimo ang Philippine Offshore Gaming Operator o POGO ng Philippine Amusement and Gaming Corporation (PAGCOR) ay nagiging ‘lucrative business’ sa kanila.

Dahil ang Filipinas nga ay una at natatanging bansa sa Asia na nagbibigay ng lisensiya sa offshore online gaming, maraming Asian lalo na ang mga taga-mainland China ang ‘nakabibili’ ng POGO sa mga namamakyaw nito sa PAGCOR.

Ayon sa ating mga mapagkakatiwalaang source, kapag malakas sa PAGCOR, madali silang nakakukuha ng POGO.

Gustong-gusto ng PAGCOR na maraming nag-a-apply para makakuha ng POGO kasi P10 bilyones ang target nilang kitain dito.

Ang ibig sabihin ng offshore, ang mga player na lumalahok dito ay nasa labas ng bansa at hindi mga Filipino.

Naglalaro sila remotely sa pamamagitan ng mga communication device na may kakayahang makapasok sa electronic communication network gaya ng internet.

Ang mga offshore gaming operators naman ang nagpo-provide ng game sa mga player, kumukuha ng taya at nagbabayad sa mga nananalong player.

Kabilang sa mga game sa ilalim ng online gaming ang sports betting at e-casinos ang table games, slots, wheel at dice games, skill games at arcade-type games.

Ang offshore gaming companies ay klasi­pi­kado ng PAGCOR bilang service providers o licensed operators, pareho itong technology-driven enterprises.

Ang tinatawag na service providers ay yaong gaming and software/platform providers, BPO providers, data/content streaming providers at gaming support providers.

Ang mga licensed operators naman ay gaming agents at mga klasipikadong special class BPOs na may kalahok na marketing at customer relation services para sa mga licensed gaming operators overseas, hindi sila dapat humahawak ng betting activities para sa gaming operators at hindi nagseserbisyo sa kahit anong PAGCOR POGO licensee.

Pero hindi naman ito ang nakikita nating problema sa POGO.

Mas tinitingnan natin dito ang talamak na bentahan ng POGO sa halagang P15 milyones at may monthly retainers fee pa.

Kumbaga, mayroong nakakukuha ng mara­ming prangkisa sa PAGCOR at naipagbibili ito sa mga interesadong Chinese businessman mula sa mainland China.

Lumalabas na ang may hawak ng POGO rito sa bansa ay nagiging ‘business o industrial partner’ ng mga taga-mainland China na nabebentahan nila ng POGO.

Sa katunayan, isa sa mga sikat na mahilig ‘mamakyaw’ ng POGO ay isang kongresista mula sa Iloilo.

Alam kaya ng PAGCOR ‘yan, Madam Chair Didi Domingo?!

Talaga namang tubong ala itlog ng pugo ang mga namakyaw ng POGO sa PAGCOR.

Kaya naman pala hindi napapalis ang ngiti sa mga labi ni Madam Didi, dahil mabangong-mabango sa mga dayuhan ang ‘inilalako’ nilang POGO.

Wala bang balak ang Kamara na imbestiga­han ang POGO ng PAGCOR?!

Attention: Madam Speaker GMA!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Dennis Trillo, aminadong idol si Coco Martin!

ISA si Dennis Trillo sa tampok sa pelikulang One Great Love ng Regal Enetratinment na tinatampukan din nina Kim Chiu at… Read More

6 hours ago

Pelikulang The Signs, tampok sa Cine Lokal

ISANG napapanahong peli­kula ang The Signs dahil ma­dalas bayuhin nang malalakas na bagyo ang ating bansa. Ang laban ng tao para sa… Read More

7 hours ago

Echo, may dengue, pero ayaw magpa-confine

MAY dengue ngayon ang aktor na si Jericho Rosales at nasa bahay lang para magpahinga dahil ayaw niyang magpa-confine. Pagkatapos… Read More

4 days ago

Magagandang lugar sa Samar, muling mapapanood sa Kahit Ayaw Mo Na

BAGAY na magkakapatid sina Empress Schuck, Kristel Fulgar, at Andrea Brillantes dahil may hawig naman sila sa isa’t isa. Ito… Read More

4 days ago

Kim, napatili nang makipaglampungan kina Dennis at JC

PURING-PURI ni Direk Eric Quizon ang dedikasyon at professionalism ng tatlong bida sa One Great Love, entry ng Regal Entertainment… Read More

4 days ago

Atty. Persida Acosta, hiningan ng tulong ni Keanna Reeves

SA Enero 2019 muling mapapanood ang magaling at matapang na Public Attorney’s Chief, Atty. Persida Acosta sa telebisyon kapag nagkasundo… Read More

4 days ago