Friday , March 29 2024

2 palace executives kumita sa P60-M DOT-PTV ads ng Tulfos

DALAWA pang opisyal ng Palasyo ang kumita sa kontrobersiyal na P60-milyong advertisement ng Department of Tourism sa state-run People’s Television Network Inc.

Nabatid na hindi magta­tagal ay mabu­bul­gar ang partisipasyon ng dalawang opisyal ng Palasyo sa iregular na transaksiyon.

Sa press briefing sa Palasyo, sinabi ni Presi­dential Spokesman Harry Roque na lahat nang nakinabang sa PTV-DOT ads ay dapat panga­la­nan, imbestigahan at sam­pahan ng kaso batay sa direktiba ni Pangulong Rodrigo Duterte.

“Dapat po lahat iyong binigyan ng cut, napasama sa demanda. Sino ba ho iyan? Sino? Well kung sino po lahat iyan, ilabas lang po ang pangalan, I’m sure dapat po maimbestigahan sila,” ani Roque nang sabihin sa kanya ng isang reporter ang pangalan ng dala­wang Palace officials.

Batay sa COA report, ang P60 milyong ibinayad ng DOT sa PTVNI ay napunta sa Bitag Media Unlimited, Inc., na pag­ma­may-ari ni Ben Tulfo, host ng programang Kilos Pronto at kapatid ng nagbitiw na si Tourism Secretary Wanda Teo.

Ipinagkibit-balikat ni Roque ang pang-uuyam ni Ben sa publiko na mamumuti ang mga mata pero hindi niya ibabalik ang P60-M sa DOT sa kabila ng utos ng COA na isauli ito.

“Ang huling de­klarasyon po ng Pre­sidente diyan – and I asked him explicitly – is we will let the legal pro­cess proceed. Let the legal process proceed, let those liable be held respon­sible,” dagdag ni Roque.

Iniimbestigahan na aniya ng Ombudsman ang isyu at magiging ikalawang reklamo na ang ihahaing kasong plunder ni Sen. Antonio Trillanes IV laban sa mga Tulfo.

Magugunitang bago magbitiw si Wanda bilang Tourism secretary ay inihayag ng kanyang abogadong si Ferdinand Topacio na ibabalik ng mga Tulfo ang P60-M sa kaban ng bayan.

(ROSE NOVENARIO)

 

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *