Categories: Opinion

P2.277-M ang nawaldas na pondo sa ‘gallivanting’ ni Cesar ‘Buboy’ Montano

Share

DINAIG ng sinibak, ‘este, nagbitiw na chief operating officer (COO) ng Tourism Promotions Board (TBP) na si Cesar “Buboy” Montano sa paglilimayon ng mga dati at kasalukuyang pangu­lo ng bansa, gamit ang salapi mula sa buwis ng mamamayan.

Opo! ‘Yan ang pani­bagong nabulgar sa karugtong na audit report ng Commission on Audit (COA) sa mga umalingasaw na anomalya na nagsasangkot kay Buboy sa TPB.

Matatandaan na unang bumida si Buboy sa P80 milyones na ”Buhay Carinderia” project ng TPB na kung hindi agad nabisto ng COA ay aabot pa sana sa P320-milyones ang magagahasang pondo ng taongbayan.

Sa karugtong na 2017 audit report ng COA, nakapaglimayon nang 14-beses si Buboy sa loob lamang ng 91-araw sa mga bansa sa Asia, Europe, Australia, at North America noong nakaraang taon.

Suma-total, sabi ng COA, umabot sa P2.277 milyones ang pondong nawaldas sa mga pagbiyahe ni Buboy sa ibang bansa sa loob lamang ng isang taon bilang noo’y hepe ng TPB.

Dalawa sa mga nabanggit na pagbiyahe ni Buboy sa labas ng bansa ay nagkagasta ang pamahalaan ng halagangP594,000 na ibinayad para sa pangmayamang “business class” na pasahe sa eroplano.

Ito ay maliwanag na tahasang paglabag sa existing order para sa mga nasa pamahalaan na limitahan ang pagbiyahe sa economy class lamang, lalo’t walang pahintulot mula sa pangulo, sabi ng COA.

Ang Officer-in-Charge (OIC) Deputy for International Promotions ni Buboy ay nakapag­waldas din ng halos P2 milyon para sa 16 na pagbiyahe sa mga bansa sa Asia, Europe, Australia, at North America.

Sinabi rin sa COA report na may 11 alalay pa na kasama si Buboy sa kanyang mga nabanggit na pagbiyahe.

Aba’y, tinalo pa niya ang mga head of state na nakapagbiyahe ng 14-beses sa 91-araw sa loob lamang ng isang taon.

Ultimo si dating Pang. Fidel V. Ramos na may pinakamaraming pagbiyahe noon ay naluma sa pagiging jetsetter ng ating bidang si Buboy.

Ibig sabihin, sistematiko ang pattern sa mga nabukong katiwalian sa TPB kaya’t posibleng sa plunder o pandarambong pumatak ang kaharaping kaso ni Buboy ‘pag nagkataon.

Kaya naman tama ang payo ni Pang. Rodrigo “Digong” Duterte kay Buboy na maghanap ng mahusay na abogadong magtatanggol sa kanya.

BAGONG
OMBUDSMAN
‘DI RAW
MAGPAPAGAMIT

SI Supreme Court Associate Justice Samuel Martires na ang napiling italaga ni Pres. Digong bilang susunod na Ombudsman kapalit ni Conchita Carpio Morales.

Siyempre, hindi maiaalis na pagdudahan ang pagiging patas ni Martires sa mga kaso na kanyang daratnan at mga posibleng makasuhan sa Ombudsman.

Agad pinawi ni Martires ang pangamba ng iba na posibleng magpagamit siya sa sinomang politiko para usigin ang kalaban sa politika, aniya:

“I’m not known to have a ‘persecution complex.’ As a (judge), I only based my decisions on evidence presented before the court and not because of personalities,” he said.

Pero sabi nga, “it remains to be proven” na kailangan pang patunayan ni Martires na siya ay kabaligtaran at hindi magiging xerox copy lang ni Morales na kanyang papalitan sa Ombudsman.

Sa panahon ni Morales ay walang transparency at sila-sila lang sa Ombudsman ang nagkakaalaman sa estado ng mga kaso na sadyang itinatago sa kaalaman ng publiko.

Ilan sa mga daratnang kaso ni Martires ang plunder case sa mahigit P700-M “ghost employees scam” laban kay dating Manila vice mayor Francisco “Isko Moreno” Domagoso na mahigit anim na taon na ang nakararaan ay wala pang linaw hanggang ngayon.

Ang anomalous joint venture agreement (JVA) at bentahan na niladaan sa pagitan ng IBC-13 at kompanya ni Reghis Romero II na nakapag­tatakang nananahimik hanggang ngayon sa Ombudsman.

Tiyak na aabangan din ng marami kung ano ang mangyayari sa mga kasong nagsasangkot sa ilang opisyal ng kasalukuyang administrasyon, tulad sa Department of Tourism (DOT), Presidential Communications Operations Office (PCOO) at iba pa.

Sabi nga, “action speaks louder!”

(Para sa anumang sumbong at reaksiyon, mag-text o tumawag sa 09166240313. Maaring ipadala ang inyong liham sa e-mail address: lapidfire_14@yahoo.com)

KALAMPAG
ni Percy Lapid

COMMENTS
Percy Lapid

Published by
Percy Lapid

Recent Posts

Happiest birthday Boss Robz!

Our dearest Boss Robz, May you keep that inner child within you. We are excited to see greater things unfold… Read More

7 hours ago

Female star-TV host, nahihilig sa bagets

MAYROON din palang isang male star na naging bahagi ng isang youth oriented program na sikat noong araw na na-pick… Read More

7 hours ago

Tribute concert para kay Rico J. Puno, sa Nov. 23 na

SA November 23 mapapanood sa The Theater at Solaire ang Music and Laughter, tribute concert para kay Rico J. Puno.… Read More

7 hours ago

Tetay, galit sa magnanakaw

WAPAKELS as in walang pakialam si Kris Aquino kung maubos man ang kanyang yaman makamit lang niya ang kanyang hinihinging katarungan laban sa taong nanloko sa kanya… Read More

7 hours ago

Paring nangmolestiya kay Bea Rose, dapat matukoy

PAANO kung hanggang ngayon ay nangmomolestya pa rin ng mga bata sa Masbate ang pari na ‘yon na nanglapastangan kay 2013… Read More

7 hours ago

‘Bato’ ni Darna nawawala kaya ‘di na matuloy-tuloy?

ANO ba ang nangyayari talaga at naurong na naman ang pagsasa-pelikula niyang Darna? Noong una ay sinasabing tuloy na tuloy… Read More

7 hours ago