Categories: Opinion

Mas marami ang mga gagong pulis na mababa ang ranggo

SUNOD-SUNOD ang mga nakikita ko sa so­cial media, ang mga ga­go at berdugong mga pulis na mababa pa lang ang ranggo ay puro sira na ang ulo. Maangas at mabalasik ang mga aksiyon laban sa maliliit nating mama­­ma­yan. Gaya ng isang PO1 na nanampal ng bus driver. Alibi ng pulis, sa lisensiya umano ng dri­ver ay may nakasingit na P100 na lukot kaya ‘di niya napigil ang kanyang sarili. Kung may katotohanan ang alibi na ito ng pulis-Parañaque, paano niya mapasisinungalingan ang voice clip ng video sa social media, dinig na dinig ang salita ng pulis na pilit kinukuha ang lisensiya ng bus driver dahil gustong makita kung may driver’s li­cense nga.

Nang maa­gaw ni pulis ang lisensiya at nakita na mayroong driver’s license si bus driver ay hinampas sa mukha… napahiya si pulis kaya muli niyang isinampal sa mukha ang kawawang bus driver na halos umuga ang mga ngipin.

***

Kung may katotohanan na may nakaipit na lukot na P100 sa lisensiya, dapat si pulis ay kinasuhan si bus driver ng kasong bribery… ngunit sa video ng isang netizen ay walang pagtatalo sa pagitan ng pulis at ni bus driver na may kaugnayan sa P100 na umano ay isinusuhol ni bus driver.

Berdugong pulis kaya tama lang ang desis­yon at aksiyon ni P’que police chief S/Supt. Victor Rosete. Ang mga ganyang uri ng pulis na nasa mababang ranggo pa lamang ay dapat sibakin!

***

Sa social media pa rin, may post na ang isang pulis ay ipinosas sa manibela ang isang jeepney driver. Dinig na dinig ang mga boses ng mga pasahero na awang-awa sa drayber. Mistulang kriminal na ipinosas si jeepney driver at naging viral ito sa social media.

***

Sa mga balita, mara­ming pulis na pawang nasa mga ranggo ng PO1, PO2, at PO3 ang madalas nasasangkot sa iba’t ibang krimen. Nararapat siguro na higit pang paigtingin ng pamunuan ng Philippine National Police ang trai­ning ng mga gustong magpulis.

‘Yung hindi nila maisip na gumawa ng mali dahil dumaan sila sa napakahirap na pagsa­sanay. Sa para­ang ito na doblehin ang hirap ng training ay mauudlot ang masasamang balak. Matututong gampanan ang kanilang tungkulin sa maayos na paraan at base na rin sa kanilang sinumpaang tungkulin, una ay maging makatao sa mga suspek kaya mayroon ta­yong batas. Kaya nga ang mga pulis ay tinawag na alagad ng batas!

ISUMBONG MO
KAY DRAGON LADY

ni Amor Virata

COMMENTS
Amor Virata

Share
Published by
Amor Virata

Recent Posts

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila…

16 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

16 hours ago

51 container vans ng basura mula sa South Korea itinambak sa PH?

HETO na naman, sanrekwang basura na naman ang dumating sa bansa sa pamamagitan ng mga container port. Kung dati ay…

17 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

1 day ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

1 day ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

1 day ago