Categories: Sports

Palakasan ng tama sa game 1

HIGANTENG banggaan ang sisiklab ngayon sa pagitan ng magkapatid ngunit mapait na magkaribal na San Miguel at Barangay Ginebra sa pagsi­simula ng Game 1 ng 2018 PBA Commissioner’s Cup Finals sa Smart Araneta Coliseum.

Palakasan ng tama ang magiging tema ng sagupaan sa pagitan ng defending champion na Beermen at people’s champ­ion na Gin Kings sa 7:00ng gabi na ang mananalo ay maka­pagbabaon ng 1-0 abante sa kanilang best-of-seven Finals series.

Sandakmak ang inaa­bangang match-ups sa higan­teng paghaharap ng dalawa at pinakauna na nga rito ang banggaan ng dalawa sa pina­kahiganteng big man ngayon na sina June Mar Fajardo at Greg Slaughter.

Ito ang unang pagkakataon na magbubuno ang 6’10 na si Fajardo at 7’0 na si Slaughter simula noong 2009 sa Cebu Athletic School Foundation Inc.

Sa taong iyon ay dinaig nina Slaughter at ng University of Visayas sina Fajardo at Uni­versity of Cebu, 3-1 sa Finals ng CESAFI.

Iyon ang nais ipaghiganti ngayon ni Fajardo lalo’t wala si Slaughter sa una sana nilang paghaharap noong 2017 PBA Philippine Cup Finals bunsod ng ACL tear injury ni Slaughter.

Hindi rin pahuhuli ang sagu­paan nina Renaldo Balk­man at Justin Brownlee na noong Mayo lang ay nagtulong sa kampeonato ng Alab Pilipinas sa Asean Basketball League.

Ngayon ay magiging mag­ka­laban muna ang dalawang matalik na magkaibi­gan dahil siguradong hindi paaawat si Balkman sa misyon nitong unang kampeonato kasama ang SMB kontra kay Brownlee na tangka ang ikatlong titulo kasama ang Ginebra.

Ngunit bukod sa pambihi­rang match-ups na iyon ay pinaka-inaabangan ang chess match sa pagitan ng winningest coach ngayong era na si Leo Austria kontra sa winningest coach sa kasaysayan na si Tim Cone.

Buhat nang hawakan ang SMB noong 2014 ay hindi pa natatalo sa championship si Austria sa anim na salang sa nakalipas na tatlo at kalahating taon upang maging pinaka­matagumpay na mentor ngayong panahon.

Sa kabilang banda, si Cone ang may pinakamaraming titulo sa hawak na 20 piraso sa 43-taong kasaysayan ng PBA.

Inaasahan din na magiging mainit ang match-ups sa pagitan nina Chris Ross at Scottie Thompson, Alex Cabag­not at LA Tenorio, Arwind Santos at Japeth Aguilar, Joe Devance at Christian Stand­hardinger gayondin sina Marcio Lassiter at Jeff Chan.

ni John Bryan Ulanday

COMMENTS
John Bryan Ulanday

Share
Published by
John Bryan Ulanday

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

1 day ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

1 day ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

1 day ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

1 day ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 day ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

1 day ago