Categories: Opinion

PAGCOR Philippine Offshore Gaming Operator (Pogo) licensee nasusuri kaya ng BIR at COA?

ALAM ba ninyo na ang Filipinas ay una at natatanging bansa sa Asia na nagbibigay ng lisensiya sa offshore online gaming?!

Alam din ba ninyo na naniniwala ang Philippine Amusement and Gaming Corporation (PAGCOR) na kikita sila ng karagdagang P10 bilyones sa annual revenues mula sa kanilang Philippine Offshore Gaming Operator (POGO) licensees?!

Alam ba ninyo kung ano ang offshore online gaming?!

Mga suki, ang offshore online gaming ay walang ipinag-iba sa paglalaro sa casino. Ito ay game of chance sa internet.

Ang ibig sabihin ng offshore, ang mga player na lumalahok dito ay nasa labas ng bansa at hindi mga Filipino.

Naglalaro sila remotely sa pamamagitan ng mga communication device na may kakayahang makapasok sa  electronic communication network gaya ng internet.

Gaya ng mga pangkaraniwang online gaming, ang player ay magrerehistro at magtatakda kung magkano ang lalaruin niya sa pamamagitan ng online payment. Hindi puwedeng maglaro ang hindi pa sumasampa sa edad 21-anyos at kinakailangan siya ay isang dayuhang naninirahan sa ibang bansa.

Ang mga offshore gaming operators naman ang nagpo-provide ng game sa mga player, kumukuha ng taya at nagbabayad sa mga nananalong player.

Kabilang sa mga game sa ilalim ng online gaming ang sports betting at e-casinos ang table games, slots, wheel at dice games, skill games at arcade-type games.

Ang mga offshore gaming companies ay klasipikado ng PAGCOR bilang service providers o licensed operators, pareho itong technology-driven enterprises.

Ang tinatawag na service providers ay yaong gaming and software/platform providers, BPO providers, data/content streaming providers at gaming support providers.

Ang mga licensed operators naman ay gaming agents at mga klasipikadong special class BPOs na may kalahok na marketing at customer relation services para sa mga licensed gaming operators overseas, hindi sila dapat humahawak ng betting activities para sa gaming operators at hindi nagseserbisyo sa kahit anong PAGCOR POGO licensee.

Klaro po ang klasipikasyon na ‘yan.

Heto ngayon ang tanong: nasusubaybayan ba ng Commission on Audit (COA) at Bureau of Internal Revenue (BIR) ang mga rehistradong offshore online gaming na nag-o-operate sa ban­sa?!

Paano nakatitiyak ang PAGCOR, COA at BIR na ang lahat ng offshore online gaming na naka­rehistro sa bansa ay nagbabayad ng tamang buwis?!

Nasusuri rin ba ng COA kung paano kumikita ang PAGCOR sa offshore online gaming? Paano nakukuwenta ng gobyerno ang kitang dapat pumasok sa National Treasury mula rito?! Anong partikular na gawain ang pinopondohan ng kita mula sa offshore online gaming?!

At higit sa lahat, gaano ka-transparent ang operasyon ng offshore online gaming?!

Wala bang backlog na singilin ang PAGCOR sa mga offshore online gaming operators?

PAGCOR chair, Madam Didi Domingo, baka puwede mo namang i-share sa publiko kung gaano na karami ang mga POGO licensee ng PAGCOR?

Dahil ang Filipinas ang una at natatanging bansa sa Asia na nagbibigay ng lisensiya sa offshore online gaming, hindi nakapagtataka na parang kabuteng nagsulputan sa Cebu, Angeles, Cagayan, Bulacan at Metro Manila ang maraming offshore online gaming sa bansa, ‘di ba, Madam Didi?

SENADO
TINABANGAN
SA TRAIN 2

INAMIN na ni Senate President Vicente “Tito” Sotto III na mayorya ng mga senador ay hindi pabor na talakayin ang ikalawang package ng Tax Reform Acceleration and Inclusion (TRAIN) Law kahit na binanggit ito ni Pangulong Rodrigo Duterte sa kanyang ikatlong State of the Nation Address (SONA).

Palpak nga naman ang economic managers ni Pangulong Digong sa TRAIN 1. Nagalit ang mga mamamayan at hanggang ngayon ay hindi makaahon ang marami nating kababayan sa bagsak na nga e lalo pang nasalantang kabuha­yan sa pananagasa ng TRAIN 1.

Mismong si Sotto ay nagsabi na hindi natu­pad ang mga ipinangako at ang pagtaya ng economic managers nang mangyari ang deliberasyon ng TRAIN 1.

“Paso kami sa TRAIN 1 e. Hindi kami kom­por­table sa naririnig namin na sabi nila walang inflation, e may inflation e,” wika ni Sotto.

Kabilang sa mga legislative agenda na tinalakay sa kanilang caucus ng majority senators ang TRAIN 1.

Mayroon din delay sa implementasyon ng mga hakbang na magpapagaan sa epekto ng TRAIN 1 para sa mahihirap kabilang ang cash transfer at fuel subsidy para sa mga tsuper.

“Hindi maiiwasan na mag-init ang ulo ng members ng Committee of Ways and Means dahil ‘yun ang sinabi nila,” pahayag ni Sotto.

“Kung TRAIN 2 ang pinag-iinitan nila, tingnan nila ‘yung dalawang bill na sinasabi namin na naka-pending sa amin imbes TRAIN 2 ang pag-usapan. Mas madali sa aming makipag-usap sa kanila kapag ganoon.”

Pero sa totoo lang, mas naniniwala tayo na kaya nagsasalita nang ganito ang ilang mambabatas e dahil malapit na ang eleksiyon.

Sinong politiko ang maglalakas-loob na ipangalandakan na pabor sila sa TRAIN 2 gayong galit na galit ang malawak na sambayanan sa epekto ng Train 1?

Huwag kalimutan… E-VAT si Recto?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

1 day ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

1 day ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

1 day ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

1 day ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 day ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

1 day ago