Friday , March 29 2024
Bulabugin ni Jerry Yap
Bulabugin ni Jerry Yap

Power sharing target ni GMA?

MUKHANG target ni dating pagulo at ngayo’y Pampanga Rep. Gloria Macapagal Arroyo na muling makasambot ng kapangyarihan.

Ang pagiging palalo, abusado at bastos ng pintalsik na House speaker na si Pantaleon “Bebot” Alvarez ay pinakinabangan nang husto ni GMA pabor sa kanyang mga ambisyon.

Kung maayos at mahusay ang attitude ni Alvarez, hindi magtata­gumpay ang kampo ni GMA na masambot ang nasabing puwesto.

Pero dahil may kakaibang ugali nga si Alvarez, walang kahirap-hirap na nagtagumpay ang kampo ni GMA para masikwat ang speakership.

Pero siyempre, hindi rin naman ‘yun lang ang salik no’n. Plus factor din ang pinaghugpong-hugpong na ‘powers’ ng tinatawag ngayong ‘Powerpuff Girls.’

‘Yung Powerpuff Girls umano ang nagtrabaho para tuluyang mapatalsik si Alvarez.

Marami ang nagsasabi na target ni GMA ang pagiging Prime Minister sakaling tuluyang magpalit ang ating Saligang Batas.

Kaya ibig sabihin, ang puwersa ni GMA ay pabor na pabor sa pagpapalit ng Konstitusyon.

Pero sa kabila ng ‘gulo’ sa Kamara, pangiti-ngiti lang ngayon ang Senado dahil nasa kanila ang huling halakhak.

Sabi nga ni Senator Ping, “mananatiling nasa kamay ng Senado ang kapangyarihan at kara­patan na amyendahan o baguhin ang Konstitusyon ng bansa.”

Abangan natin mga kababayan, magbantay at manood tayo kung ano pa ang mga mang­yayari bago sumapit ang Oktubre 2018.

Nakahanda na ba sila sa paghahain ng certificate of candidacy (COC) sa Oktubre?

Let’s wait and see!

FISCAL EDWARD
TOGONON
TATAKBONG MAYOR
SA PASAY CITY?

PUTOK na putok sa Manila City hall na tatak­bong alkalde sa Pasay City si Manila Prosecutor Edward Togonon.

Mukhang nagsasawa nang mag-fiscal si Fiscal Togonon kaya tatakbo na lang Mayor… ‘yun lang, sa Pasay City hindi  sa Maynila.

Aba mukhang paldo ang pondo ni Fiscal Togonon!

Alam naman ninyo sa Pasay City kapag diyan tumakbo kailangan bastante ang pondo.

Hindi puwede ‘yung pabarya-barya riyan dahil tiyak na matindi ang labanan.

Sa palagay naman natin, hindi tatakbo si Fiscal Togonon… kung butas ang kanyang bulsa.

Tiyak ‘yun 100 porsiyento, malaki ang pondo!

Good luck prosecutor!

INUMAN SA GITNA
NG KALSADA SA MALATE
(ATTENTION: MMDA)

SIR, bakit pinapayagan ng MMDA ang inuman sa gitna ng kalsada dto sa Remedios St., sa Malate pagitan ng Adriatico at Mabini streets. ‘Pag tambay hinuhuli pero kapag latag ng inuman sa mesa sa kalsada walang huli. Ilang metro lang ang layo sa Simbahan. Magkano ba ang lagay?

+639165922 – – – –

OBSTRUCTION
SA KALYE
CAPT. MERONG
PASAY CITY

PANAWAGAN kay Kapitan Noel Javelosa ng Brgy. 77 Zone 10 Pasay City, paki-alis naman lahat ng sasakyan sa Kalye Capt. Merong na 24 oras naka-park. Delikado kung may emergency. Kawawa ang mga tao na maiipit. Baka gusto pa yata ni Kapitan na makarating ito kay MMDA Chairman Danilo Lim. Aksiyon naman huwag pagsisihan sa bandang huli.

+639053241 – – – –

HINAING SA BUROL
NG TANOD SA BRGY. 315
Z-32 MANILA

GOOD am po nais ko pong ipaalam sa mga opisyal ng Bgy 315 z-32 ng Maynila na kaawa-awa ang Burol ng Tanod na namatay. Halatang pinagkasya lang sa maliit ng kabaong na mahal patubuin ang singil ng serbisyo. Patay na ginagamit pa kaperahan. Dapat po sa iba na sila kumuha ng serbisyo, chairman PA naman ang may-ari ng punenarya Century.

 +63943254 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *