Categories: Bulabugin

P3-M multa at kulong habambuhay sa amended Anti-Hazing Law (Republic Act No. 11053)

PARA sa mga magulang na ang mga anak ay naging biktima ng hazing, malaking bagay ang Anti-Hazing Act na nilagdaan ni Pangu­long Digong Duterte kamakailan.

Ang Anti-Hazing Act o Republic Act No. 11053 ay tahasang nag­babawal sa hazing at layunin nitong i-regulate ang iba pang porma ng initiation rites ng fraternities, sororities at iba organizations.

Inamyendahan nito ang RA 8049, na nagre-regulate lamang ng hazing at iba pang initiation rites.

Matapos mapaslang si Horacio “Atio” Castillo III, ang freshman law student ng University of Santo Tomas sa hazing at initiation rites ng Aegis Juris Fraternity, trinabaho ng Kongreso ang pag-amyenda sa nasabing batas.

Sa ilalim ng bagong batas, ang mga mapa­patunayang lumabag at nagkasala sa Anti-Hazing Act ay mapaparusahan ng pagka­kakulong habambuhay at magmumulta ng P3 milyon.

Hindi na mabilang sa mga daliri sa kamay at paa kung ilan na ang mga namatay dahil sa hazing.

Pero kinailangan pang magbuwis ng buhay ang isang kabataang gaya ni Atio Castillo — na nagkataong apo ni Dr. Jose Rizal, na nagsabing, “ang kabataan ang pag-asa ng bayan” —  para maamyendahan ang isang mapurol na batas.

Mabuti na lamang at isang gaya ni Senator Ping Lacson, ang nakaisip na huwag mapunta sa wala ang kamatayan ni Atio kaya pinag­sikapan niyang maamyendahan ang batas.

Hintayin natin na matapos ang paglilitis sa mga suspek na miyembro ng Aegis Juris Fraternity, malamang sila ang unang mapapa­tawan ng parusa sa ilalim ng inamyendahang Anti-Hazing Act.

Nawa’y tuluyan nang maging deterrent ang batas na ito laban sa mga ‘berdugo.’

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Palakpakan sa gera vs droga

KUNG mayroong isang bagay na labis na ikinatutuwa ng mamamayan, at ikinaiinis naman ng oposisyon, ito ay walang iba kundi…

18 hours ago

“The Story of My Life…”

ESSAY type writing and the likes, ang masasabi kong isa sa pinakaayaw ng aking baby, Alberta Kristea (aka Tea), 11-anyos,…

18 hours ago

Problemang paradahan

HALOS walang puknat ang pagsisikap ng mga awtoridad upang laba­nan ang trapiko, mapa­luwag ang mga lan­sangan at maalis ang mga…

18 hours ago

Alamin ang Anakalusugan

MAYROON itong isang grupo na nagbubuklod upang tahakin ang landas ng pagtulong sa kapwa Filipino lalo ang mga kapos-palad nating…

18 hours ago

Intelligence gathering pinaigting ng NBI

LALO pang pinaigting ni NBI Deputy Director for Intel CPA Eric Distor ang programa niya laban sa kriminalidad matapos aprobahan…

18 hours ago

Suking-suki ng Krystall Herbal products

Dear Sis Fely, Sumainyo ang pagpapala ni Lord sampu ng buo ninyong pamilya. Ako po Sis, si Sister Petra E.…

18 hours ago