Categories: Opinion

BETS ng Batangas, patok sa STL!

SA lahat ng Authorize Agent Corporations (AACs) na naglalaro ng Small Town Lottery (STL) ng Philippine Charity Sweepstakes Office (PCSO), ang Batangas Enhanced Technology Systems, Inc. (BETS) ang may pinakamalaking ingreso o Presumptive Monthly Retail Receipt (PMRR). Ang BETS din ang isa sa mga AAC na hindi pumapaltos sa buwanan nitong PMRR.

Dahil masigasig ang BETS katuwang ang mga Batangueño sa palaraong STL, nabibiyayaan ng naturang AAC ang PCSO Branch Office ng lalawigan ng P800,000 pondo araw-araw para may maiayuda sa mga pasyenteng dumudulog ng tulong gaya ng pambayad sa ilang bayarin para makalabas ng ospital, pang-chemo/radiation, pang-dialysis, pang-transplant o implant at iba pang serbisyo medikal sa ilalim ng Individual Medical Assistance Program (IMAP), ang flagship project ng PCSO.

Gayondin ang STL ng Suncove Corp. – STL ng Pampanga at Lake Tahoe Gaming & Amusement Corp. ng Angeles City na masigasig na katuwang ng PCSO at iba pang AAC-STL na patuloy na nagsusumikap na makakalap ng pondo upang mapondohan ng PCSO ang serbisyong medikal lalo ang “Malasakit” program ng gobyernong Duterte.

Hindi magtatagumpay ang BETS kung walang suporta ang mamamayan ng Batangas katuwang ang mga lokal na pamahalaan, at ang mga law enforcement agencies gaya ng pulisya at National Bureau of Investigation, kasama na riyan ang military.

Aking napag-alaman, kung tama ang datos, mahigit 15,000 ang empleyado ng BETS. Karamihan sa kanila ay dating mga kobrador at rebisador ng jueteng na nag-legal na sa tulong ng mga namamahala ng BETS. Hindi na sila hinahabol ng pulis kapag sila’y nasa lansangan upang magkolekta ng boluntaryong taya mula sa mamamayan. Marami-rami rin sa mga empleyado ang nagkatrabaho sa BETS na hindi makapasa-pasa sa mga ginagawang regular job fair dahil kulang sila sa edukasyon, mababa ang antas ng kanilang kakayahan, may kapansanan, at iba pa. Ngayon, sila’y sumusuweldo hanggang P8,000 kada buwan at tumatanggap ng mga benepisyo mula sa korporasyon bukod pa sa insentibo kapag sila’y nakapagpapanalo.

Ang BETS, gaya ng iba pang AAC-STL, ay nagkakaroon ng tatlong draw kada araw sa superbisyon ng branch office ng PCSO. Ang mga draw ay hindi isinasagawa sa ilalim ng manga o tagong lugar gaya ng ginagawa sa jueteng kundi sa loob ng isang draw court na may draw machine na sinasaksihan ng mga piling taong may integridad at kapuri-puring reputasyon sa ko­mu­nidad.

Ang maganda rito sa BETS ay may sarili rin siyang kawanggawa na tinawag niyang “Anak Kalusugan” na nagsasagawa rin ng mga medical and dental mission sa mga kapos-palad nating kababayan. Nasa plano na ng “Anak Kalusugan” na gagalugad sa buong bansa, sa mga piling bayan na higit na nangangailangan, upang mag­hatid ng kawanggawa sa larangan ng serbisyo medikal.

Ang mga tagapamahala ng BETS na siyang tagapagtaguyod ng “Anak Kalusugan” ay tunay na pilantropo na dapat tularan. Sabi ng isa sa kanila, “Ibabalik namin ang biyaya ng STL na nang­ga­galing sa ating mamamayan sa pamamagitan ng kawanggawa na dadalhin sa kanila ng Anak Kalusugan.” Hindi lamang sa Batangas kundi sa iba’t ibang dako ng bansa.

BAGO ‘TO!
ni Florante Solmerin

COMMENTS
Florante Solmerin

Share
Published by
Florante Solmerin

Recent Posts

#Yato ni Lance, ikinokompara sa Why Can’t It Be ni Rannie

NAGING monster hit sa panahon niya (Rannie Raymundo) ang Why Can’t It Be? At ngayong ang kapatid niyang si Lance naman ang may…

11 hours ago

Kauna-unahang Studio City sa bansa, binuksan na ng ABS-CBN

INILUNSAD na ng na­ngu­ngunang media at entertainment network sa Pilipinas ang ABS-CBN Studio Experience, ang kauna-unahang studio city sa bansa na…

12 hours ago

Jodi, muling nag-top sa klase

SA mga tinatamad nang mag-aral dahil malaki na ang kita nila at may anak na, tularan n’yo si Jodi Sta. Maria. …

20 hours ago

Controversial businesswoman Kath Dupaya handang humarap sa korte (Kapag ‘di totoong tax evader si Joel Cruz)

Bumalik sa bansa kamakailan ang controversial na businesswoman na si Kath Dupaya at ilang araw lang  siyang nag-stay at agad…

20 hours ago

RS Francisco super husay na stage actor

Marami na kaming napanood na stage play pero masasabi naming isa sa pinakamaganda at most expensive local play itong pinagbibidahang…

20 hours ago

Libre ang magpa-book at manood sa Eat Bulaga nang Live

NABUKO ni Willie Revillame ang modus ng mga booker sa kanyang variety game show na niraraket ang mga kaawa-awa nating…

20 hours ago