Wednesday , December 19 2018
Breaking News
You are here: Home / Showbiz / Ruben Soriquez at Garie Concepcion tampok sa The Lease
Ruben Soriquez at Garie Concepcion tampok sa The Lease

Ruben Soriquez at Garie Concepcion tampok sa The Lease

TAMPOK sina Ruben Maria Soriquez at Garie Concepcion sa pelikulang The Lease na pinamahalaan ng Italian director na si Paolo Bertola. Ang nasa­bing pelikula mula sa Utmost Creatives Production ay show­ing na sa July 25. Ito ay isang kakaibang paranormal horror thriller na dapat abangan ng mahihilig sa ganitong genre.

Makikita sa teaser ng pelikula ang kakaibang timpla at atake nito. Ipinahayag ni Garie na bagay na bagay ito sa ma­hihilig sa katatakutang pano­orin.

“Ang The Lease po ay isang paranormal horror na pelikula. Para po ito sa mga mahilig sa mga nakakatakot at hindi para sa mahihina ang puso,” naka­ngiting saad ng singer/actress.

READ MORE:  Marianita, nagpamalas na naman ng kagaspangan ng ugali

Ayon naman sa leading man niya, “Isa itong paranormal horror-thriller. Pero ibang klase, kasi may family values at may matututuhan na lesson mula sa kuwento. Kasi, iyong movie ay hindi para manakot lang, kahit nakatatakot siya talaga. Also, ito ay isang indie film pero ang dating ng movie ay pang-main­stream talaga.”

Ano ang reaksiyon niya sa matagumpay nilang premiere night last week?

Sagot ng Filipino-Italian actor/director, “Happy ako dahil very successful ang premiere night. Sobrang saya ko kasi maraming tao, maraming media and press… ‘yung mga tao ay nagustuhan ang movie and kahit na may bagyo, siyempre maraming kaibigan ako, mga kaibigan ko, they didn’t make it, but most of them they did it, nagpunta sila. So I’m happy.

READ MORE:  Nathalie Hart, tinuhog ang mag-aama!

“And I heard from my back, people are crying. Kasi horror (siya), paranormal- horror, pero may puso, may drama rin. Kaya masaya talaga ako.”

Maraming natakot sa movie ninyo direk, maraming nagsisi­gawan sa premiere night dahil sa takot? “Oo and a few times, people just jump on their chairs.”

Si Direk Ruben ay mapapa­nood din sa forthcoming movie titled The Spiders’ Man, isang black comedy hinggil sa autism and family ties na ang ilang eksena ay kinuhaan pa sa Italy. Kasama ni Direk Ruben dito sina Richard Quan, Jeffrey Tam, Lee O’Brian, Rob Sy, Red Ibasco, at ang misis niyang si Lanie Guma­rang. Plano niyang isumite ito sa mga international film festival.

READ MORE:  Marian Rivera kinabog si Heart Evangelista (Kahit girlfriend ng senador!)

Nakatakda rin niyang i-co-direct with Direk Paolo ang isang kakaibang pelikulang tatampukan nina Pokwang, Lee O’Brian, at iba pang bituin na pinama­gatang My Beast Friend.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved