Friday , March 29 2024

Ruben Maria Soriquez at Garie Concepcion, mananakot sa The Lease

PINATUNAYAN ni Garie Concepcion na hindi lamang siya isang mahusay na singer, kundi magaling din siyang aktres. Hindi naman nakapagtataka dahil anak siya ni Gabby Concepcion at kapatid ni KC, kaya’t may pagmamanahan siya.

Inihalintulad naman ang Filipino-Italian, actor/director na si Ruben Maria Soriquez sa bida ng Harry Potterdahil kamukuha niya si Daniel Jacob Radcliffe.

Sina Garie at Ruben ang bida sa horror movie na The Lease na mapapanood na sa July 25 sa mga sinehan na idinirehe ng Italian director na si Paolo Berlola.

Hindi naman bago kina Garie at Ruben ang pag-arte. Napanood na si Garie sa La Luna Sangre nina Kathryn Bernardo at Daniel Padilla samantalang si Ruben ay naging bahagi ng Dolce Amore nina Liza Soberano atEnrique Gil.

Ang The Lease ay mula sa Utmost Creatives Production na isang kakaibang paranormal horror thriller na dapat abangan ng mahihilig sa ganitong genre.

Ipinakita sa pelikula ang kakaibang timpla at atake nito.

“Ang The Lease po ay isang paranormal horror na pelikula. Para po ito sa mga mahilig sa mga nakakatakot at hindi para sa mga mahihina ang puso,” ani Garie.

“Isa itong paranormal horror-thriller. Pero ibang klase, kasi may family values at may matututuhang lesson mula sa kuwento. Kasi, iyong movie ay hindi para manakot lang, kahit nakatatakot siya talaga.

“Also, ito ay isang indie film pero ang dating ng movie ay pang-mainstream talaga,” pahayag naman ni Ruben.

“Scary ito pero suspense rin siya at the same time. And iyong twist sa film is very interesting… it will catch the audience’s heart,” dagdag pa ng Italian/director actor.

Sa pakikipag-usap namin kay Garie, nasabi nitong ang The Lease ang biggest role na naibigay sa kanya sa isang pelikula. ”And ito na po ang pinaka-active kong taon sa showbiz. Big blessing po talaga sa akin ‘yung ‘La Luna Sangre’ at ito nga pong ‘The Lease.’” 

Ginagampanan ni Garie ang papel ni Clara, asawa ni Direk Ruben. Isang Filipina na nakapangasawa ng Fil-Italian, na dalawang anak.

Sinabi naman ni Direk Paolo na naniniwala siyang ito na ang pagkakataon para ipakita ng kanilang director sa pelikula ang galing niya sa Pinoy audience pagdating sa horror film.

Kasama rin sa pelikula si Harvey Almineda, 11, gumanap na anak nina Garie at Ruben. Nahasa ang galing ng bagets sa pagda-drama sa mga nagampanan na sa drama anthologies kaya hindi kataka-takang mahusay ang ipinakita niyang acting sa The Lease.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *