Categories: Opinion

Pakikialam ni Isko sa Liga ng mga Barangay

KUNG tutuusin, hindi na dapat nakikialam pa itong si dating Vice Mayor Isko Moreno sa usapin ng politika sa Maynila. Pero ang nakabibigla, patuloy umano ang ginagawa niyang ‘pagsawsaw’ sa mga kaganapan sa Maynila lalo sa nakatakdang eleksiyon ng Liga ng mga Barangay na gaga­napin sa darating na 30 Hulyo.

Si Isko sa kasalukuyan ay undersecretary ng Department of Social Welfare and Develop­ment (DSWD) for Luzon affairs na may dapat gampanan na gawain batay sa mandate, vision, mission at values ng nasabing departamento na kanyang pinaglilingkuran.

Isa sa mga tunguhin o nais matugunan ng DSWD bilang isang departamento ay makalaya sa kahirapan at kagutuman ang lahat ng Filipino, at magkaroon ng pantay o patas na oportunidad para makamit ang isang matahimik na lipunan.

Kaya nga, nakapagtataka kung bakit sa halip na ibuhos ni Isko ang kanyang panahon at lakas para sa kanyang gawain at obligasyon, at higit na maisulong ang interes ng DSWD, patuloy siyang nagkukumahog na makisawsaw sa mga usapin ng Maynila.

Dapat din ipaalala kay Isko na bilang undersecretary for Luzon affairs, hindi dapat nakasentro lamang sa Maynila ang kanyang ginagawang trabaho bilang opisyal ng DSWD. Kinakailangang buong Metro Manila at karatig probinsiya na nasasakop ng Luzon ang scope ng kanyang trabaho.

Parang kandidato na tuloy itong si Isko dahil ang mga programa ng DSWD ay kalimitan sa Maynila niya ginagawa tulad ng “Kalinga Caravan” at ang pagbibigay ng educational at medical assistance gamit ang mga kabataan.

At ngayon naman, kahit walang kaugnayan sa mandato ng DSWD, bakit pumapapel si Isko sa usapin ng Liga ng mga Barangay sa Maynila? Totoo bang ipinatawag ni Isko noong nakaraang linggo ang mga barangay chairman sa Manila Hotel? Bakit kaya niya ipinatawag?

At nasundan pa umano ito ng isa pang meeting, at sa Manila Hotel pa rin naganap ang pag-uusap sa ilang piling barangay chairman. At matapos ang nasabing meeting kay Isko, ang mga piling barangay chairman ay masayang nag-uwian. Bakit kaya?

Pero higit na nakababahala ngayon ang usap-usapan sa bawat barangay na mayroong ‘bilihan’ ng botong nagaganap sa Maynila, at ang mga barangay chairman ay sinusuhulan sa kung sinong mga kandidatong dapat na iboto sa Liga ng mga Barangay.

Ang bilihan daw ngayon ng boto ay umaabot sa P5,000 hanggang P15,000 para masi­guro ang panalo ng dinadala nilang kandidato sa Liga ng mga Barangay sa Maynila.  At sinasa­bing magiging barometro kung sino ang mana­na­long mayor sa 2019  sa Maynila, base sa resulta ng mananalong grupo ng kandidato ng Liga ng mga Barangay.

SIPAT
ni Mat Vicencio

COMMENTS
Mat Vicencio

Share
Published by
Mat Vicencio

Recent Posts

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila…

9 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

10 hours ago

51 container vans ng basura mula sa South Korea itinambak sa PH?

HETO na naman, sanrekwang basura na naman ang dumating sa bansa sa pamamagitan ng mga container port. Kung dati ay…

10 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

18 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

18 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

18 hours ago