Monday , August 20 2018
Breaking News
You are here: Home / Showbiz / Erich Gonzales, buwis-buhay ang mga ginawa sa We Will Not Die Tonight
Erich Gonzales, buwis-buhay ang mga ginawa sa We Will Not Die Tonight

Erich Gonzales, buwis-buhay ang mga ginawa sa We Will Not Die Tonight

SUMABAK sa matinding aksiyon ang Kapamilya aktres na si Erich Gonzales sa pelikulang We Will Not Die Tonight na isa sa entry sa gaganaping Pista ng Peliku­lang Pilipino 2018 ng Film Development Council of the Philippines (FDCP) sa  15-21 Agosto, sa lahat ng sinehan, nationwide.

Sa naturang pelikula na pina­mahalaan ni Direk Richard Somes, isang stuntwoman at aspiring actress sa pelikula si Erich. Ayon sa kanya, nagkaroon ng aksidente sa shooting nila na akala raw ng aktres ay katapu­san na niya.

Wika ni Erich, “Walang double, as in, lahat po ng stunts, wala akong double. Paghawak ko nanginig ako, may koryente! So lahat sila, ‘Hala anong nangyari? Cut!’ Nakoryente talaga ako, totoo pala ‘yung akala mo, ‘Lord, wow ito na yun.’ Pero hindi pa rin, never say die. Kaya sabi ko, ‘Isa pa direk, kaya pa ‘to. So take-2, pero mayroon pa rin. May ground, may koryente talaga. Then sabi, “‘Wag na, ‘wag na ito. It’s not worth your life naman so ‘wag na, ‘wag na.’

READ MORE:  Babaeng nam-bash kay Piolo, natakot kaya dali-daling binura ang comment

“And then sabi ko, ‘Direk sabi mo, gustong-gusto mo itong scene na ‘to di ba?’ Sagot ni Direk Richard, ‘Oo, pero baka mamatay ka, kargo pa kita, ‘wag na ‘yan.’ Tapos sabi ko, ‘Sige direk.’ And then noong next shooting day namin, sabi niya (Direk), ‘Rich, ganda talaga ‘yung elevator scene.’ Ganyan magsalita si direk, ‘di ba.

READ MORE:  Aiza, tututukan ang suliranin sa edukasyon, teenage pregnancy, at pagkalat ng HIV/AIDS sa mga kabataan

“Kaya sabi ko, ‘O direk, gawin na natin.’ Sabi niya sa akin, ‘Ready ka ba? Makokoryente ka ulit?’ Hanggang sa hayun, nagawa namin ‘yung eksena na wala nang koryente, buhay po tayo, thank you Lord,” masayang saad ni Erich.

Manibago kaya rito ang fans mo?

Sagot niya, “Di ko nga po alam e, basta ngayon walang expectations, walang anything, sobrang pasasalamat lang po namin na maging part ng New York Film Festival, tapos ngayon ‘yung Pista ng Pelikulang Pilipino. And bilang artista po, ayaw naman natin maging de-kahon, hangga’t kaya po natin, gusto natin gumawa ng iba’t ibang klaseng pelikula, iba’t ibang tema, at hangga’t may mga naniniwala po sa trabaho natin.”

READ MORE:  Julian, Vitto, Andrew, Dan at Jack, bibida sa Squad Goals ng Viva Films

Anong dapat asahan ng moviegoers sa movie ninyo? “Ito po, kung gusto po nila na maiba naman, ‘di ba? Suspense, action, thriller, sana po suportahan nila at panoorin. Ito pong pelikula, talagang brutal kung brutal, pero may puso ang pelikula dahil katulad po ng sinabi ko, napa­panahon ito, nangyayari ‘to sa totoong buhay. It’s a film about survival, ano bang gagawin mo ‘pag nandoon ka na sa panganib na ‘yun? Kung tatakbo ka ba, magtatago, or lalaban ka para mabuhay?” Esplika ni Erich.

Tampok din sa We Will Not Die Tonight sina Paolo Paraiso, Alex Medina, Jeffrey Tam, Max Eigenmann, Thou Reyes, at iba pa.

 

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved