Wednesday , September 19 2018
Breaking News
You are here: Home / News / 7K pulis ikakasa sa SONA
7K pulis ikakasa sa SONA

7K pulis ikakasa sa SONA

READ: PH major problems ilalahad sa 3rd SoNA ni Duterte

AABOT sa 7,000 pulis ang ikakalat sa Lunes, 23 Hulyo, para sa ikatlong State of the Nation Ad­dress (SONA) ni Pangu­long Rodrigo Duterte sa Batasan Pambansa sa Quezon City.

“Ito po ‘yung kabu­uang bilang ng mga ide-deploy o para sa pang­kalahatang security de­ploy­ment ng Security Task Force (STF) Kapa­yapaan na binubuo ng 13 Site Sub Task Groups (SSTGs),” ayon kay National Capital Region Police Office director, C/Supt. Guillermo Lorenzo Eleazar.

Kahapon ay pina­ngu­nahan nina  Eleazar at Quezon City Police Dis­trict director, C/Supt. Joselito Esquivel, Jr. ang pagpupulong, kasama ang mga pinuno ng cause-oriented groups at ibang stakeholders, bilang pag­hahanda sa SONA 2018 ni Pangulong Duterte.

Layunin ng pag-uusap, na ginanap sa Quezon City Sports Club sa E. Rodriguez Sr. Bou­levard, na himayin ang mga partikular na ikina­babahala ng ilang cause-oriented groups at stake­holders, kabilang ang traffic re-routing schemes para sa tahimik at mapa­yapang SONA.

Napag-usapan at na­pag­kasunduan din sa pagpupulong ang tung­kol sa mass demon­stra­tion staging area at segu­ridad ng mga demonstra­dor.

Nagpasalamat si Elea­zar sa suporta ng mga pinuno na lumahok sa pag-uusap. “For the past two years, dahil may pag-uusap, nagkaroon ng kasunduan, at dahil may kasunduan nagkaroon ng guidelines o alituntunin na dapat tuparin; at dahil doon naiwasan ang mga ‘di pagkakaintindihan. We are hoping that everything will be in order,” anang NCRPO chief.

Kasabay nito, hiniling ni Task Group (TG) Quezon commander, C/Supt. Esquivel sa mga pinuno ng cause-oriented groups na i-identify ang kanilang marshalls sa pamamagitan ng pagsu­suot ng “identifying arm bands” upang madali silang makapag-co­ordi­nate sa PNP kung saka­ling magkaroon ng kagu­luhan.

Nakiusap din siya sa mga pinuno at sa mga lalahok sa demonstrasyon na matyagan ang kali­nisan ng lugar at  itapon nang maayos ang kani­lang mga basura bilang parte ng kasalukuyang pagsusulong at adbo­kasiya ng PNP sa pag­poprotekta sa paligid. (ALMAR DANGUILAN)

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved