Categories: News

Ex-chairman na lider ng drug syndicate arestado

MAKARAAN ang mahi­git apat na taong pagtata­go, ang 72-anyos lolo na dating barangay chair­man at tinaguriang lider ng bigtime drug syndicate sa Region 1, ay nadakip sa Caloocan City, kama­kalawa ng gabi.

Nasakote nang pinag­sanib na puwersa ng mga tauhan ng Caloocan Police Intelligence Unit, Police Regional Office (PRO) 1 Intelligence Division, Provincial Drug Enforcement Unit ng Ilocos Sur, at Santiago Police Station, ang suspek na si Renato Tengsico alyas Atong, dating bara­ngay chairman sa Pobla­cion Norte, Santiago, Ilocos Sur, dakong 9:30 pm sa Unit 1 Caldino Aparments, Block 1, Lot 28, Shelterville, Brgy. 171, Bagumbong, Caloocan City.

Ang akusado ay na­sentensiyahan kama­kailan ng habambuhay na pagkabilanggo sa kasong illegal drug trade sa ilalim ng RA 9165 o Com­pre­hensive Dangerous Drug Act of 2002, ng Regional Trial Court (RTC) ng Ilocos Sur dahil sa pagiging lider ng bigtime na Tengsico-Cabreros drug group na umano’y nagpapakalat ng ilegal na droga sa 2nd District ng Ilocos Sur.

Ayon kay Caloocan police Intelligence Unit head, C/Insp. Jonathan Olvena, si Tengsico ay dating nadakip sa Ilocos Sur noong 2014 dahil sa pagtutulak ng ilegal na droga ngunit nakapag­piyansa para sa kanyang pansamantalang kalaya­an.

Gayonman, nagpatu­loy ang paglilitis hang­gang masentensiyahan siya ng habambuhay na pagkabilanggo at nagla­bas ng warrant of arrest si Judge Sixto Diompoc ng Branch 72 ng Narvacan Ilocos Sur RTC, laban kay Tengsico.

Natunton ng mga tauhan ng Regional Intelligence Division ng PRO 1 ang pinagta­tagu­an ni Tengsico kaya agad silang nakipag-ugnayan sa Caloocan Police Intel­ligence Branch, na nagre­sulta sa pagkakaaresto sa suspek.

Narekober kay Tengsico ang apat sachets ng hinihinalang shabu na tinatayang P20,000 ang street value.

(ROMMEL SALES)

 

 

COMMENTS
Rommel Sales

Share
Published by
Rommel Sales

Recent Posts

Palakpakan sa gera vs droga

KUNG mayroong isang bagay na labis na ikinatutuwa ng mamamayan, at ikinaiinis naman ng oposisyon, ito ay walang iba kundi…

22 hours ago

“The Story of My Life…”

ESSAY type writing and the likes, ang masasabi kong isa sa pinakaayaw ng aking baby, Alberta Kristea (aka Tea), 11-anyos,…

22 hours ago

Problemang paradahan

HALOS walang puknat ang pagsisikap ng mga awtoridad upang laba­nan ang trapiko, mapa­luwag ang mga lan­sangan at maalis ang mga…

22 hours ago

Alamin ang Anakalusugan

MAYROON itong isang grupo na nagbubuklod upang tahakin ang landas ng pagtulong sa kapwa Filipino lalo ang mga kapos-palad nating…

22 hours ago

Intelligence gathering pinaigting ng NBI

LALO pang pinaigting ni NBI Deputy Director for Intel CPA Eric Distor ang programa niya laban sa kriminalidad matapos aprobahan…

22 hours ago

Suking-suki ng Krystall Herbal products

Dear Sis Fely, Sumainyo ang pagpapala ni Lord sampu ng buo ninyong pamilya. Ako po Sis, si Sister Petra E.…

22 hours ago