Tuesday , March 19 2024

Nikko Natividad, todo-bigay sa pelikulang Bakwit Boys

PATULOY sa paghataw ang showbiz career ng masipag na Kapamilya actor/TV host/dancer na si Nikko Natividad. Bukod sa kaliwa’t kanang TV shows tulad ng It’s Showtime at Umagang Kay Ganda, plus Fudgee Bar na ipalalabas sa Facebook at sa YouTube, pati sa pelikula ay umaarangkada rin siya.

Mapapanood si Nikko sa pelikulang Bakwit Boys na isa sa entry sa darating na Pista ng Pelikulang Pilipino 2018 ng FDCP na mapapanood mula August 15-21 sa lahat ng sinehan, nation­wide. Bukod kay Nikko, tampok din sa pelikula sina Ryle San­tiago, Vance Larena, Mackie Empuerto, at Devon Seron. Ang pelikula ay under ng T-Rex Entertainment.

Ito’y isinulat at pinamahalaan ni Direk Jason Paul Laxamana, at dito’y level-up na si Nikko dahil bida na siya sa naturang pelikula.

Ang Bakwit Boys ay ukol sa magkakapatid na naging biktima ng kalamidad. Makikita ang ka­nilang katatagan dito sa mga kakaharapin nilang pagsubok, na kabilang sa magiging sandigan nila ang pagmamahal sa musika.

Ayon sa actor na isa sa member ng Hashtags, ang ma­tututuhan sa kanilang pelikula ay pag-abot sa mga pangarap sa buhay sa kabila ng pagdating ng mga pagsubok. “Maraming ka­bat­aan kasi ang takot na abutin ang kanilang mga pangarap dahil lagi nilang iniisip na kulang sila sa pera, kulang ang suporta sa pera at kahirapan. Pero hindi lang naman pera ang kailangan para makuha mo ang iyong pangarap, dahil may mga ibang paraan pa.

“So kapag nagtulungan kayo bilang pamilya, especially na magkakapatid kami rito, lalo sa mga Filipino na passion talaga ang music, kayang-kayang abu­tin ang pangarap kahit na wala kang pera,” pahayag ni Nikko.

Dagdag niya, “Ang pelikula ay magbibigay ng inspirasyon sa mga tao, at hindi ito iyong movie na parang umaarte na kuma­kanta, hindi ganoon. Drama siya about sa magkakapatid na mahal ang music.”

Nabanggit ni Nikko na isang challenge sa kanya ang pelikulang ito. “Na-challenge ako kasi ‘di ba sabi ko ang forte ko ay comedy, hosting… Dito kasi seryoso e, hindi siya comedy, drama talaga. So, pinakamahirap na nagawa kong trabaho ito. Makikita nila rito sa pelikula na ibinigay ko ang lahat ng maka­kaya ko dahil first major movie ko ito, e,” naka­ngiting saad niya.

Puring-puri naman ni Nikko ang kanilang director dito. “Kay direk Paul Laxamana maga­an siya katrabaho, hin­di siya nag­mu­mura, hindi siya sumisigaw, kaya sabi ko sana hu­wag siyang magbago. Kasi nakakatulong sa mga artista na ‘yung direktor ganoon e, hindi nagmumura sa artista, naka­kahiya kasi, e. Bale, cool na cool talaga katrabaho si Direk.”

ALAM MO NA!
ni Nonie Nicasio

About Nonie Nicasio

Check Also

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Rio Locsin Ruru Madrid

Rio sa wagas na paghagulgol — ‘di ako makabitaw sa napakataas na emosyon

RATED Rni Rommel Gonzales NAGBIGAY ng paglilinaw si Rio Locsin tungkol sa nag-viral niyang video na wagas …

Jeric Gonzales Rabiya Mateo

Rabiya handang ipaglaban si Jeric, deadma sa mga negang balita

MA at PAni Rommel Placente KUNG ang ibang showbiz couples ay inaalam ang password ng …

Vice Ganda

Vice Ganda may patutsada sa mga reporter — kung ano-anong sinasabi, kung ano-anong tsismis ang isinusulat  

MA at PAni Rommel Placente SA isang episode ng It’s Showtime, nagbigay ng opinyon si Vice Ganda tungkol …

Marian Rivera My Guardian Alien

Marian mahalaga pa rin ang kalusugan kaysa materyal na bagay

I-FLEXni Jun Nardo MODELO rin ng kalusugan at wellness ni Marian Rivera bukod sa pagiging GMA Primetime …

Leave a Reply

Your email address will not be published. Required fields are marked *