Wednesday , November 14 2018
Breaking News
You are here: Home / News / Chinese nat’l tumalon mula 21/F
Chinese nat’l tumalon mula 21/F

Chinese nat’l tumalon mula 21/F

HINIHINALANG dahil sa utang sa casino kaya nagpakamatay ang isang 27-anyos Chinese nation­al sa pamamagitan ng pagtalon mula sa ika-21 palapag ng tinutuluyang condominium sa Pasay City, nitong Linggo ng gabi.

Namatay noon din ang biktimang si Frank Sunk Quan, may asawa, tubong Beijing, China, dating HR manager ng Midas Casino Hotel at pansamantalang tumutuloy sa Unit 2108 Tower B, Antel Condo­minium, Roxas Boulevard Service Road, Pasay City.

READ MORE:  3-anyos tostado sa sunog

Sa ulat ni Pasay City Police chief, S/Supt. Noel Flores, dakong 6:40 pm nang mangyari ang insidente sa nasabing condominium sa Brgy. 76 sa Pasay City.

Sa kuwento ng isang occupant na si Rodelio Villafuente Almanza, habang nanonood siya ng telebisyon sa kanyang sala ay nakarinig siya nang malakas na kalabog mula sa galvanize na bubong ng kanyang unit.

READ MORE:  10 pasahero sugatan sa karambola ng 3 sasakyan

Agad niya itong tiningnan at inalam kung ano ang kumalabog doon.

Nalaman niya sa guwardya na may tumalon mula sa ika-21 palapag at bumagsak sa bubungan ng kanyang unit sa ikalimang palapag.

Agad dumating sa pinangyarihan ng insi­dente ang dating employ­er ng biktima na si  Lin Xiong Jie, HR Manager ng Midas Casino Hotel, residente sa Unit 1416, 14th floor Tower B, Antel Condominium ng naturang lungsod.

READ MORE:  12 PNP officials, 3 pa kakasuhan sa AK-47 scam

Napag-alaman, naba­on umano sa utang dahil sa pagsusugal sa casino ang naturang dayuhan.

Patuloy na nag-iim­bestiga ang pulisya upang mabatid kung may foul play sa insidente.

(JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved