Thursday , March 28 2024

Amyenda sa Party-list Law iginiit

READ: Amyenda sa Saligang Batas iatras na — solons

MATAPOS ilabas ang mga Statement of Assets Liabilities and Networth (SALN) ng mga mam­babatas, iginiit ni Akba­yan Rep. Tom Villarin na kailangan nang amyendahan ang batas na nagsasakop sa party list system.

Ayon kay Villarin, kailangan nang amyenda­han ang party-list law upang matanggal ang mga “political butter­flies” at ang mayayaman, sa sistema na nakalaan sa marginalized sector.

“Kailangan nang i-amend ang party-list law na naglalayong magka­roon ng representasyon ang bawat sector, ang pinakadiwa ng batas ay para sa mga “under-represented” o “margin­alized groups,” ani Villarin na bunga ng party-list system.

Lumabas sa balita na ang pinakamayamang miyembro ng Mababang Kapulungan ay nagmula sa party-list groups.

Sinisi ni Villarin ang Korte Suprema sa pag-interpreta sa Batas (RA 7941) ng party-list na nagpahina sa tunay na intensiyon nito.

Ayon kay Villarin nakasaad sa Saligang Batas na ang Party-List seats ay limitado sa mga sektor na tinutukoy sa Section 5(2) of Article VI ng Konstitusyon na sina­bing 20 porsiyento ang alokasyon ng party-list sa kabuuhan na miyembro ng Kamara.

Kalahati, umano, sa alokasyon ng mga party-list ay ilaan sa sektor ng “labor, peasant, urban poor, indigenous cultural communities, women, youth, and such other sectors as may be pro­vided by law, except the religious sector.”

Ani Villarin, ang Saligang Batas at ang RA 7941 na nakasasaklaw sa party-list system ay hindi nangangahulugan na kasama ang ‘non-sectoral parties’ kasama ang mga bilyonaryo na pinayagan ng Korte Suprema sa desisyon nito kamaka­ilan.

Lumabas sa SALN ng mga kongresista na ang pinakamayamang miyembro ng Kamara ay nagmula sa hanay ng party-list na pinangu­ngunahan ni 1-Pacman Rep. Michael Romero na may halagang sobra sa P7-bilyon kasunod si Diwa Rep. Emmeline Aglipay Villar na nagka­kahalaga ng P1.5-bilyon.

(GERRY BALDO)

About Gerry Baldo

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *