Thursday , November 15 2018
Breaking News
You are here: Home / News / 2 anak pinatay, tatay nagsaksak sa sarili, todas
2 anak pinatay, tatay nagsaksak sa sarili, todas

2 anak pinatay, tatay nagsaksak sa sarili, todas

TANTANGAN, South Cotabato – Pinatay sa sak­sak ang kanyang dalawang paslit na anak at pagkaraan ay nag­sak­sak sa sarili ang isang 29-anyos lalaki sa ba­yang ito, nitong Martes ng umaga.

Kuwento ng kapatid ng suspek, nasa isang compound lang sila ngunit may sariling bahay ang suspek.

Sa lola natutulog ang anim na mga anak ng suspek habang nasa Maynila ang kanilang ina dahil inaayos ang apli­kasyon para magtra­baho abroad.

READ MORE:  IS recruitments sa Mindanao ibinunyag ng mayor

Nitong Lunes ng gabi, pilit na kinukuha ng suspek ang tatlong anak niyang lalaki.

Tumangging sumama ang 12-anyos na anak dahil natatakot sa ama. Ngunit nilambing niya ang dalawang biktimang may gulang na 3 at 5 kaya sumama sa kaniya na matulog sa kanilang bahay.

READ MORE:  Bus operators agrabyado sa Batangas City Grand Terminal

Kinaumagahan, nag­ta­ka ang mga kaanak na hindi pa gumigising ang mga bata na kadalasan ay maagang bumaba­ngon.

Noong inusisa nila sa loob ng bahay, doon nila nakita ang duguang katawan ng mga bata at ng suspek.

Batay sa imbesti­gasyon ng Tantangan Police Station, mag-iisang buwan pa lang nang umalis ang ina ng mga bata.

Ngunit kapag hindi raw tumatawag ang ginang sa mister, ma­dalas daw magbanta ang suspek sa misis na papatayin ang kanilang mga anak.

READ MORE:  5 patay, 70K katao apektado ng habagat

“Papatayin nga raw niya ‘yung mga bata dahil po sa matinding selos,” ani S/Insp. Reden Crisologo, officer-in-charge ng Tantangan Police Station.

Lasing umano ang suspek nang gawin ang krimen dahil nakipag-inoman sa isang kamag-anak bago ang insidente.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved