Sunday , July 22 2018
Breaking News
You are here: Home / News / Tangkang pagbabawal sa political dynasty dedbol sa Bicam ng BBL
Tangkang pagbabawal sa political dynasty dedbol sa Bicam ng BBL

Tangkang pagbabawal sa political dynasty dedbol sa Bicam ng BBL

BIGO ang panukalang ipag­bawal ang political dynasty sa binubuong Bangsamoro Basic Law (BBL).

Tinanggal na ang pro­bisyong ito sa kadahilanang lumabag sa “equal pro­tection clause” ng Saligang Batas ayon kay House Majority Leader Rodolfo Fariñas.

Ang tinanggal na pro­bisyon ay Sec. 15 sa  Article VII, ng Senate Bill 1717 na naglalayong ipagbawal ang mga magkakamaganak hang­gang sa 2nd degree sa parliamento.

Ani Fariñas, ang pro­bisyon ay puwede lamang gamitin sa halal na mga opisyal sa Bangsamoro region at hindi sa buong ban­sa.

Binanggit din ni Fariñas na doon sa kontrobersiyal na probisyon ipagbabawal ang kamaganak sa 2nd degree ng isang party representative pero hindi ipinagbawal sa mga party representative na kamag-anak ng mga asawa na hindi kasal.

Ang mga Muslim, aniya, ay puwedeng mag-asawa hanggang apat.

Inihalintulad ni Fariñas ang probisyon sa isang batas na nagbabawal sa isang “elective position” habang pinapayagan ang iba sa kabuuan ng bansa.

Mula sa oposisyon, sinabi ni Caloocan Rep. Egay Erice na nasa interes ng mga politiko ang pag­tanggal sa probisyon ng “political dynasty.”

(Gerry Baldo)

COMMENTS

About Gerry Baldo

Scroll To Top
 

Copyright © 2009 - 2017 hatawtabloid.com | All Rights Reserved